Popular Bible Verses from San Marcos 14

Share

Ut quixye ajcuiꞌ: —At inYucuaꞌ, la̱in ninnau nak chixjunil naru xba̱nunquil cha̱cuu. Cui ta naru incꞌaꞌ raj tincꞌul li raylal aꞌin. Abanan chi-uxma̱nk li cꞌaꞌru nacacuaj la̱at ut ma̱cuaꞌ li nacuaj la̱in.

Chexyoꞌlek ut chextijok re nak incꞌaꞌ te̱qꞌue e̱rib chi a̱le̱c. La̱ex nequeraj raj xba̱nunquil li us, abanan e̱junes incꞌaꞌ texru̱k.

Relic chi ya̱l tinye e̱re nak ta̱yema̱nk resil li colba-ib yalak bar, ta̱yema̱nk ajcuiꞌ resil li cꞌaꞌru xba̱nu li ixk aꞌin re xjulticanquil aꞌan, chan.

Quixye reheb lix tzolom: —Cuan jun raylal saꞌ inchꞌo̱l yo̱ chinyotꞌbal. La̱in nacuecꞌa nak incꞌaꞌ chic tincuy. Cana̱kex arin ut yoꞌlenkex.

Ut nak yo̱queb chi cuaꞌac, li Jesús quixchap li caxlan cua. Quixbantioxi chiru li Dios, quixjachi, tojoꞌnak quixjeqꞌui reheb lix tzolom. Ut quixye reheb: —Cuaꞌinkex. Aꞌan aꞌin intzꞌejcual.

Ut quixchap ajcuiꞌ li secꞌ re ucꞌac ut quixbantioxi chiru li Dios, tojoꞌnak quixqꞌue reheb ut chixjunileb queꞌucꞌac. Ut li Jesús quixye reheb: —Aꞌan aꞌin lin quiqꞌuel li ta̱hoyekꞌ saꞌ xcꞌabaꞌeb chixjunileb ut aꞌan ta̱xakaba̱nk xcuanquil li Acꞌ Contrato.

Ut li Jesús quixye reheb: —Che̱junilex la̱ex ta̱chꞌina̱k le̱ chꞌo̱l ut tine̱canab injunes chiru a kꞌojyi̱n aꞌin xban nak joꞌcaꞌin tzꞌi̱banbil retalil xbaneb li profeta: Tincanab chi camsi̱c laj ilol reheb li carner ut eb li carner teꞌxchaꞌchaꞌi ribeb.

Cuaclinkex anakcuan, ut yoꞌkeb chixcꞌulbal li yo̱ chi cha̱lc chi kꞌaxtesi̱nc cue, chan.

Ut li Jesús quichakꞌoc ut quixye re: —Relic chi ya̱l tinye a̱cue nak toj ma̱jiꞌ naya̱bac xcaꞌ sut li tzoꞌ xul nak la̱at ac xaye oxib sut nak incꞌaꞌ nacanau cuu.