Popular Bible Verses from Hebreos 5

Share

Eb li che̱quel cristian jalan xtzacae̱mkeb. Moco sicꞌbil ta ru li nequeꞌxtzaca. Aꞌan retalil nak ac xeꞌqꞌui saꞌ xpa̱ba̱leb ut nequeꞌxnau chic bar cuan li us ut bar cuan li incꞌaꞌ us.

Anakcuan la̱ex raj chic aj tzolonel xban nak ac junxil nequexpa̱ban. Abanan ta̱raj toj ta̱cꞌutekꞌ cuiꞌchic che̱ru li ac xetzol chak junxil nak xepa̱b chak li Dios. Chanchanex chic li cꞌulaꞌal li toj natuꞌuc li toj ma̱jiꞌ natzacan. La̱ex nequenau nak junak cꞌulaꞌal toj natuꞌuc toj ma̱cꞌaꞌ xnaꞌleb. Incꞌaꞌ naxnau bar cuan li us ut bar cuan li incꞌaꞌ us.

Usta Ralal li Dios li Jesucristo, quixcꞌul ajcuiꞌ li raylal ut quixcꞌut chiku chanru li pa̱ba̱nc riqꞌuin li raylal quixcꞌul. Riqꞌuin li raylal li quixcꞌul li Jesucristo quitzꞌakobresi̱c ru chi cꞌanjelac chokꞌ xyucuaꞌil aj tij. Ut saꞌ xcꞌabaꞌ aꞌan cuan li colba-ib chi junelic reheb li teꞌpa̱ba̱nk re.

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.