Popular Bible Verses from Efesios 4

Share

Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.

Checubsihak e̱rib ut chexcua̱nk saꞌ tu̱lanil ut cha̱bilakex. Checuyak e̱rib chi ribil e̱rib ut cherahak e̱rib chiribil e̱rib.

Mex-a̱tinac yibru aj a̱tin. Riqꞌuin ban cha̱bil a̱tin tex-a̱tinak re nak teꞌxqꞌue retal li ani yo̱quex cuiꞌ chi a̱tinac ut te̱tenkꞌaheb.

Isihomak saꞌ le̱ chꞌo̱l chi junaj cua li cꞌahi̱nc, li joskꞌil, ut li poꞌoc ib. Joꞌcan ajcuiꞌ li choki̱nc ib ut li majecua̱nc. Checanabak chi junaj cua chixjunil li ma̱usilal.

Cuan nak nequexjoskꞌoꞌ. Abanan me̱numsi li cutan chi toj cuan le̱ joskꞌil saꞌ le̱ chꞌo̱l re nak incꞌaꞌ texma̱cobk xban. Moco yal xban ta le̱ joskꞌil nak te̱qꞌue e̱rib chi a̱le̱c xban laj tza.

Joꞌcan nak chetzꞌekta̱na chi junaj cua le̱ najter naꞌleb. Me̱qꞌue chic e̱rib chi balakꞌi̱c xban li ma̱usilal li quixrahi ru le̱ chꞌo̱l junxil. Ut acꞌobresinbilak taxak le̱ ra̱m ut le̱ cꞌaꞌux. Acꞌobresinbilak le̱ yuꞌam ut chexcua̱nk taxak joꞌ naraj li Dios. Santakex ut cha̱bilakex xban nak nequenau chic lix ya̱lal.

Junajak chic e̱ru xban li Santil Musikꞌej. Joꞌcan nak qꞌuehomak e̱chꞌo̱l chi cua̱nc saꞌ usilal chi ribil e̱rib re nak chexcua̱nk chi junaj e̱ru.

¿Cꞌaꞌru xya̱lal nak tzꞌi̱banbil nak quixqꞌue xma̱taneb li ralal xcꞌajol li Dios? Naraj naxye nak cuan li quiqꞌueheꞌ xma̱taneb chi cꞌanjelac joꞌ apóstol. Cuan li quiqꞌueheꞌ xma̱taneb chi cꞌanjelac joꞌ profeta. Cuan li quiqꞌueheꞌ xma̱taneb chixyebal resil li colba-ib. Cuan li quiqꞌueheꞌ xma̱taneb chi cꞌamoc be chiruheb laj pa̱banel ut cuan ajcuiꞌ li quiqꞌueheꞌ xma̱taneb chixcꞌutbal lix ya̱lal chiruheb laj pa̱banel. Quiqꞌueheꞌ xma̱taneb re nak tzꞌakalakeb ru saꞌ xpa̱ba̱leb ut re nak teꞌcꞌanjelak chiru li Dios ut re nak teꞌxtenkꞌaheb laj pa̱banel chi qꞌui̱c saꞌ xpa̱ba̱leb. Qꞌuebil ke li kama̱tan re nak takatenkꞌaheb laj pa̱banel chi cacuu̱c saꞌ lix pa̱ba̱leb toj ta̱cuulak xkꞌehil nak ta̱tzꞌaklok ke ku riqꞌuin lix cuanquil li Cristo ut junajak chic ku xban nak nakapa̱b li Ralal li Dios. Tzꞌakalak ke ku joꞌ li Cristo tzꞌakal re ru.

Moco joꞌcakex ta chic li cocꞌal. Li cocꞌal nequeꞌxpa̱b li cꞌaꞌak re ru nequeꞌyeheꞌ re. La̱ex ma̱cuaꞌex chic cocꞌal. Joꞌcan nak me̱qꞌue e̱rib chi balakꞌi̱c xbaneb li nequeꞌbalakꞌin riqꞌuin jalanil tijleb. Ut chixjunil li nakaba̱nu, chikaba̱nu xban nak nocorahoc. Ut junajak chic ku riqꞌuin li Cristo.