Popular Bible Verses from Mateo 24

Share

Co omwo vuvi vunatumu, cizemo ca vanu ku vakwavo vanu cikatonola. Oloni woshe uje akakateya na ku shongo akovoka.

Co evi Vin̄anda Vyavivwa vya Vumwene vakavyambulula mu kaye mwoshe ngwe kupwa vukaleo ku miyati yoshe, co asinoni kukotoka kwa kaye kukaija.

Mukaziva vinzita na lingwavo lya vinzita, oloni kesi mukajujuke. Omwo vyuma evi vinapande kusholoka, oloni kuvilumbununa ngeci kukotoka kwa kaye kunete.

Omwo lifuti limo likalwa nzita na lifuti likwavo, co vumwene vukalwisa vumwene vukwavo. Kukakala njala ya lyangengela, na mandunduma ku mitambela yakuliseza-seza. Vyuma vyoshe evi vinapu ngwe kushangumuka kwa mushongo wakukita mwana.

Lilu na asi vikaita, oloni majwi ange kuwakaiti embwe.

Omwo vanu vavangi vakaija mu lizina lyange vakendeka ngwavo, ‘Yange vene Wakuvwavesa!’ Co vakatangula vavangi.

“Asinoni vakamikwata nakumiyandesa nakumitsiya, co miyati yoshe vakamizinda omwo lizina lyange. Co vavangi kuvakanjikulaela a simbu ije, co vakalyenda vungungu umo na mukwavo. Co vaka-kwimanena va makuli vavangi vakasholoka, co vakatangula vanu vavangi.

Co Yesu wavakumbulwile ngwendi, “Nyanyameni, co kesi mutave umo amikwise.

Ngecivene, neni livwaeseleni cimweja, omwo Muna Munu aija a simbu ije vene kumwayongwele ngweni aija.

“Ngecivene, nyanyameni omwo kumuzivuka simbu ije yakaija Mwene yeni.

“Oloni litangwa lije, nambe simbu ije, naumo wai avizivuka, nambe tungelo va mwilu, nambe Mwana, oloni Ishe lika ikeye azivuka.

Omwo kukasholoka vaKuvwavesa va makuli na vaka-kwimanena va makuli, vakamwesa vizivukiso na vikomokeso vyakama, ngecivene, vakatangule nameme vaje vavaangwile kuli Njambi nga citava.

Ngwe mucafwile a matangwa a Nowa, ngecivene, mucikafwa akwija kwa Muna Munu. A matangwa aje omo livazi kanda lyete, vanu valile, vanwile, vambatele, nakushombwesa, noo a litangwa lije omo Nowa wakovelele mu vwato, oloni kuvazivukile cuma muka cikalingiwa noo livazi lyezile, co voshe vanyongele. Mukemwo mucikafwa omo Muna Munu akaija.