Popular Bible Verses from Kwituluka mu Mashiko 5

Share

“ ‘Singimikeni vaishweni na vanyokweni, ngeci mukayoye simbu yakama mu lifuti lije linjikamyana yange Kalunga Njambi yeni.

Ngecivene, ononokeni vije namishiki Shukulu Kalunga Njambi yeni ngeci mukayoye mwamuvwa nakuvezika nakutumisa matangwa eni mu lifuti lije mukashwana.

Kesi mukatsikamene tumponya, nambe kuvalemesa, omwo yange njapwa Kalunga Njambi yeni, Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana. Oloni njikamwesa cizemo cange cije kucesi kutenguluka ku visemwa 1,000 vya vaje vanjizema nakunyunga mashiko ange.

“ ‘Kesi mukalishongele cifwa ca cuma cimo cili mwilu nambe cili ano asi, nambe cili mu mema mwisi ya asi.

“ ‘Kesi mukalemese njambi weka kuvanga yange lika.

“ ‘Kesi mukapangese lizina lyange mwamuvi, omwo yange Kalunga Njambi yeni njikahisa voshe vaje vakapangesa lizina lyange mwamuvi.

Nga vakala na mbunge yangacije simbu yoshe yakunjizivila lyova nakunyunga mashiko ange, nga vakakala mwamuvwa myaka yoshe na vatekulwila vavo.

“ ‘Nyungeni Litangwa Lyakuhwima nakulijelesa. Omwo yange Kalunga Njambi yeni njinamishikimo.

“ ‘Kesi mukaliveyele njuvo ya mukweni, kesi mukaliveyele munakazi wa mukweni, nambe ndungo yendi wa munalume, nambe ndungo yendi wa munakazi, nambe ngombe yendi, nambe cimulu cendi, nambe cuma cimo ceka calinaco.’

“ ‘Kesi mukalinge vupangala.

“ ‘Kesi mukavangele vakweni vukaleo vwa makuli.

“ ‘Kesi mukatsiye.

“ ‘Kesi mukaive.

Omwo a matangwa atanu na limo, yange Kalunga Njambi yeni njatangele lilu, na asi, na mema a kalunga, na vyoshe vije vilimo, oloni a litangwa lyamucitanu na avali a likelyo njahwimine. Mukemwo vene yange Kalunga njavezikisile Litangwa Lyakuhwima nakulijelesa.

Mukapanga nakulinga vipangi vyeni vyoshe matangwa atanu na limo, oloni a litangwa lyamucitanu na avali likelyo likapwa Litangwa Lyakuhwima lije lyakundama kuli yange Kalunga Njambi yeni. A litangwa lije kumukapanga cuma nacimo cai, nambe yeni, nambe vana veni va vanalume, nambe vana veni va vanakazi, nambe vindungo veni, nambe vimuna veni, nambe vaka-kwija vaje vali mu lifuti lyeni.

‘Yange njapwa Kalunga Njambi yeni, uje wamitundisile mu Ingito, kuje mwakele mu vinzinda.