Popular Bible Verses from Kwituluka mu Mashiko 4

Share

Co kuje mukashakezeka Shukulu Kalunga Njambi yeni, co nga mukamushakezeka na vimbunge vyeni vyoshe, na mwonyo weni woshe, co mukamuwana.

Omwo Shukulu Kalunga Njambi yeni ikeye Njambi wa mema ku mbunge. Co ikeye kakamiseze nambe kuminyongesa embwe, nambe kwivala cikumiiyo cije walikumiiye na vakukulwila veni.

Omwo Shukulu Kalunga Njambi yeni wapwa ngwe tuhya twakunyongesa, ikeye Njambi wa lifuwa, katava kulipandakana na vinjambi veka.

“Nyanyameni nakulinyunga! Kesi mwivale vije mwamwene na mesho eni, kutewa vitunda mu vimbunge vyeni matangwa oshe akuyoya kweni, ngeci mukavileke vana veni na vatekulwila veni.

“Ngecivene, anukeni litangwa lya lelo nakulinyunga mu vimbunge vyeni, ngweni Shukulu Kalunga ikeye wapwa Njambi wa mwilu na ano asi. Co kukwesi njambi weka lalo wai.

“Kukwesi muyati weka wakama lalo, nambe wakufwa vati, vaje vali na njambi yavo muyehi, omo vakevo vamushaka, ngwe Shukulu Kalunga Njambi yetu ali netu. Ikeye atukumbulula omo tulomba kuli ikeye.

Omo mukamona tuyando na vyoshe vije vikasholoka kuli yeni, asinoni akukotoka mukatengulukila kuli Shukulu Kalunga Njambi yeni nakumwononoka.

Kesi mukawezeleleko cuma cimo ku evi vinjimishika, co kesi mukatundiseko lalo cuma cimo embwe. Oloni ononokeni mashiko a Shukulu Kalunga Njambi yeni aje anjinamishiki.