1
1 Jon 4:18
Seimat
ssg
Tel na i hina saun ti wawahen wanen, i kum mamata nake wawahen wanen i xaxaweni mamatauan. Na kako mamata ka Haeu axi kako kawatan, i kola ka kako tap wawahen wanen ti Haeu.
Compare
Explore 1 Jon 4:18
2
1 Jon 4:4
Tuahe amuto, teka soliai natuk, amuto seilon ti Haeu. Amuto tahi waxainiwen kakai teka woinakon kuluiai kakai Haeu nake Holi Spirit tel kapitiamuto i pamu masiwian ti *Satan tel kapiti halialui seilon ti tehu pon ie.
Explore 1 Jon 4:4
3
1 Jon 4:19
Kako pon waheniai Haeu ma seilon nake Haeu waheni nonomu kako.
Explore 1 Jon 4:19
4
1 Jon 4:7
Teka soliai akikik ti Krais, kako he wawahen tatalewa nake saun ti wawahen i ahuma ti Haeu. Teteka laha waheni seilon liai laha se nati Haeu ma laha tioi hawane i.
Explore 1 Jon 4:7
5
1 Jon 4:8
Tuahe teteka laha tap saun ti wawahen, laha kum tioi Haeu nake puki Haeu lawe i waheni hawane seilon.
Explore 1 Jon 4:8
6
1 Jon 4:10
Haeu kolamu wawahen wanen imat ti kako waheni i. I aile ukek ien ti i talo tel Natun mat ukei kawatan ti lialui woi lawe seilon.
Explore 1 Jon 4:10
7
1 Jon 4:11
Teka soliai akikik ti Krais, na lalape wawahen ti Haeu masin ien, kako tin he wawahenawa hanowi ti i waheni kako.
Explore 1 Jon 4:11
8
1 Jon 4:9
Haeu aile kola haniwen kaha wawahen tetan ti i talo telawe Natun hanima tehu pon itan ie. I aile ukek ien lehe kaha pon ukei tonain kapin ti tap tahi tapoan nake ti soliai puase tel Natun Jises Krais.
Explore 1 Jon 4:9
9
1 Jon 4:20
Na tel seilon ukek i waheni Haeu tuahe i watakai teka akikin ti Krais, i seilon tenen puputa. Tel na tap wawahen hani seilon ti pulan niningahi, pamu i kum pon waheniai Haeu tetel ti i kum niningahi.
Explore 1 Jon 4:20
10
1 Jon 4:15
Tel na i paxai tioi ma kaxi ka Jises se Nati Haeu, i pakata xox kapi Haeu ma Haeu pakata xox kapin.
Explore 1 Jon 4:15
11
1 Jon 4:21
Puki Haeu nauen kako ka tin waheniwa seilon liai, kumahe mewenae i.
Explore 1 Jon 4:21
12
1 Jon 4:1-2
Teka soliai akikik ti *Krais, kum hong sosohomu seilon na laha ukek *Holi Spirit hahanamiloa laha ti kakaialaha. Hong kolongenimua kakaialaha nake kilan seilon laha woinakon kuluiai kakai Haeu. Kako tioi ka laha hahitake nenein ti Holi Spirit na laha ukek ka *Jises Krais i sohot hawane seilon he tehu pon ie.
Explore 1 Jon 4:1-2
13
1 Jon 4:3
Tuahe tel na i ukek ka Jises Krais i kum sohot seilon hanowi kaha, tetel ien kumahe Holi Spirit neneini i. I usiusi namili tel seilon pahoxaiai puase Jises Krais, tetel amuto hongoen i lua kemak ape i hoi ie.
Explore 1 Jon 4:3