Popular Bible Verses from Éxodo 8

Share

Jacꞌalaꞌ ebꞌ naj jelan yetoj tzet cuybꞌil yu, jix smakꞌ pax ey skꞌojoch ebꞌ jaxca jix yute yet Aarón tuꞌ yaloni. Jix yoche ebꞌ chi oc pojoj tuꞌ yin kocꞌ usal, ma skeꞌ yu ebꞌ, jaxa noꞌ us tuꞌ jix chiꞌwa noꞌ yin ebꞌ ánima cꞌal yin noꞌ jobꞌbꞌeal noꞌ. Yu jun tuꞌ xin, jix yalon ebꞌ naj tzꞌajan scꞌul tuꞌ tet naj rey: —Jaꞌ jun tiꞌ smulnail Dios, jaꞌ Naj chi uteni, ẍi ebꞌ naj. Jix cawbꞌi cꞌal el snaꞌbꞌal naj rey tuꞌ, ma ẍaꞌ naj yabꞌe tzet jix yal Moisés cꞌal Aarón, jaxca yalon Jehová.

Jix yalon Jehová tet Moisés jaxca tiꞌ: —Asiꞌ kꞌanabꞌan yetoj naj sreyal Egipto, cha walon tet naj: Jaꞌ Dios chi alon ey jaach jaxca tiꞌ: Chaꞌtoj ebꞌ jin conobꞌ tiꞌ, yet chi too ebꞌ yin eyilal ey jin bꞌey txꞌotxꞌ cusiltaj txꞌotxꞌ.

Jaꞌ yet jix yilon naj rey tol cꞌamxa syaꞌilal chi jul yibꞌan, catuꞌ jix yakꞌon pitbꞌoj el snaꞌbꞌal junelxa, ma sjije tzet jix yal tet Moisés, cꞌal tet Aarón, jaxca jix yun yalon Jehová.

Ta tol man oj ja chaꞌtoj ebꞌ jin conobꞌ tiꞌ, oj waoc syaꞌilal ja wibꞌan, oj wakꞌ pitzcꞌu a noꞌ patzaꞌ bꞌey masanil yul conobꞌ Egipto tiꞌ.

Jix yalon Jehová tet naj Moisés: —Al tet naj Aarón, tol chi yiꞌa skꞌojoch catuꞌ chi smakꞌon ey yibꞌan spojojal sat txꞌotxꞌ txꞌotxꞌ, catuꞌ chi oc can pojoj tuꞌ yin kocꞌ usal bꞌey masanil yul yet Egipto, ẍi Dios.

Jaxca tuꞌ jix yute Jehová. Jaxca xacꞌal mucꞌ yecꞌ noꞌ yaax jaꞌ us tuꞌ, jix apni oc noꞌ yul sdespacho naj rey cꞌal bꞌey yul-laj sna ebꞌ ey yopiso yetoj naj, cꞌal bꞌey masanil yul yet Egipto. Junelne jix yetnetoj noꞌ yaax jaꞌ us tuꞌ yul conobꞌ tuꞌ.