Popular Bible Verses from Éxodo 16

Share

jix yalon ebꞌ jaxca tiꞌ: —Toloj wal taꞌ jix el yin scꞌul Dios tol jaꞌ bꞌey Egipto jix cu camtoj. Jaꞌ tituꞌ nonaj cu xi yu chiꞌbꞌe, catuꞌ chi cu ey chotan lowoj, masantaꞌcꞌal chi no cu cꞌul; tol oj taꞌ ma jon je yiꞌtej titiꞌ yet chi cu cam cu masanil yu wail bꞌey jun cusiltaj txꞌotxꞌ tiꞌ, ẍi ebꞌ. Yu tuꞌ xin, jix yalon Jehová tet naj Moisés: —Oj wakꞌ tit bꞌey satcan tzet oj sloꞌ ebꞌ ánima tiꞌ. Junjun cꞌal cꞌu oj eltoj ebꞌ syambꞌa a tzet oj sloꞌ yin junjun cꞌu, yuxan oj wilaꞌ ta tol oj sjije jin chejbꞌanil ebꞌ, ma cꞌamaj.

Jaꞌ yet eyecꞌ ebꞌ tituꞌ, catuꞌ jix cꞌoli sbꞌuchwa a ebꞌ yin naj Moisés, cꞌal yin Aarón

Catuꞌ jix yalon cꞌal naj Moisés: —Jaꞌ yet yeycꞌualil tiꞌ oj akꞌle je chiꞌbꞌe yu Jehová, jaxa yet skꞌinibꞌ yecal, chi yakꞌon Naj je loꞌbꞌe. Yutol jix yabꞌ Dios je yalon pena kꞌane yin, jix tit pax je jowal kin jon, caxcꞌal jaꞌ kin chi tit je jowal, jaxca tol jaꞌ yin Dios chi tit je jowal, ẍi naj Moisés.

—Tuxa jix wabꞌoc tzet chi yute kꞌanabꞌ sbꞌa ebꞌ Israel tiꞌ win; asan xin, al tet ebꞌ tol jaꞌ yet skꞌejbꞌintajil tinaniꞌ oj wakꞌ ẍiꞌbꞌe ebꞌ, jaxa yet skꞌinibꞌ yecal, loꞌbꞌe oj wakꞌ sloꞌ ebꞌ, masantaꞌcꞌal chi no can el scꞌul ebꞌ; jaxca tuꞌ oj yun yotajne el ebꞌ tol jain ton Jehová jin, je Diosal jin, ẍi Dios.