Popular Bible Verses from Éxodo 15

Share

Jix yalon Jehová tet ebꞌ: Ta che jije tzet chi wal jain Jehová je Diosal jin tiꞌ, catuꞌ che jijen tzet chi yal jin chejbꞌanil cꞌal masanil jin ley, catuꞌ man oj watej syaꞌilal je yibꞌan jaxca wan jix waoc yibꞌan ebꞌ a Egipto, yutol jain Jehová jin tiꞌ oj jex wante, ẍi Dios tet naj Moisés.

Jaꞌ Jehová chi akꞌon kip, yuxan chi cu bꞌitnewej tet Naj, yutol jaꞌ Naj jix cu colon eloj. Jaꞌton Naj cu Diosal; yuxan chi kiꞌa can sbꞌi. Jaꞌ Naj sDiosal ebꞌ cu mam icham; yuxan smoo chi kiꞌa can sbꞌi.

Jaach Jehová, jin Diosal, ¡cꞌamxa junojxa dios laan ja wetoj! ¡Asan jaach miman ja weloc apnoj! ¡Asanxane jaach ey ja wipalil! Cꞌam junojxa mac chi skeꞌ milagro yu, cꞌal jantaj wan tzet qꞌueyubꞌtaj xacꞌal cha wunne.

Yu ja miman camcꞌulal, yuxan chon ja wiꞌ bꞌey jaon ja conobꞌ jon tiꞌ. Yetoj ja wipalil chon ja wiꞌon bꞌeytoj bꞌey txꞌotxꞌ txꞌotxꞌ tol ket cꞌaltaꞌ yeocoj.

Jix lawi tuꞌ, jix apni oc ebꞌ bꞌey jun txꞌotxꞌ chi yij Mará. Ey jaꞌ jaꞌ tituꞌ, ma skeꞌ yuqꞌuen jaꞌ ebꞌ yutol caw kꞌaꞌ yuqꞌui jaꞌ, yu tuꞌ xin, yuxan Mará jix yij can sbꞌi jun txꞌotxꞌ tuꞌ yu ebꞌ. Jaxa yoc ian ebꞌ ánima tuꞌ yalon pena kꞌane yin naj Moisés, catuꞌ jix skꞌanlen ebꞌ tet naj: ¿Bꞌeytuꞌ oj toj kiꞌoc jaꞌ oj kucꞌwej tinaniꞌ? ẍi ebꞌ. Jix lawi tuꞌ, jix txali naj Moisés tet Jehová. Jaxa Dios jix txꞌoxon jun teꞌ teꞌ, catuꞌ jix yaon eytoj xol jaꞌ naj Moisés, catuꞌ jix waꞌxi el jaꞌ. Jaꞌ tituꞌ jix yakꞌ jun chejbꞌanile Jehová tet ebꞌ, tol chi sbꞌeybꞌalne ebꞌ, yu yiloni ta tol jijem cꞌal ebꞌ.