Popular Bible Verses from Nambas 22

Share

Oraet, Yawe hemi mekem dongki ya fo tok olsem long Balam. “?Wanem nao mi duim long yu mekem yu wipim mi trifala taem ya?”

Nao Yawe hemi mekem Balam fo lukim enjel wea hemi stanap long dea, an hemi holem naef fo faet. So Balam hemi baodaon go-go fes blong hem hemi godaon kasem graon.

Nao disfala enjel hemi tok olsem long Balam, “?Waswe nao yu bin wipim dongki blong yu trifala taem? Mi nao stanap an blokem rod blong yu, bikos wanem yu mekem hemi rong.

Bat dongki hemi tok olsem, “!Yu save, mi nao dongki blong yu! !Taem yu laek fo go long eni ples, evritaem nomoa mi karim yu! ?Waswe, mi bin duim enisamting olsem long yu bifoa?” Den Balam hemi ansa olsem, “Nomoa.”

An Balam hemi tok olsem, “!Bikos yu mekem mi fo luk olsem wanfala krangge man! Sapos mi holem naef, distaem nomoa bae mi kilim yu dae.”

So taem dongki hemi lukim moa disfala enjel, hemi leidaon nomoa. An Balam hemi kros fogud long dongki ya, so hemi gohed fo wipim hem long wokingstik blong hem.