Popular Bible Verses from Nambas 21

Share

Den Yawe hemi tok olsem long Mosis, “Tekem bras an wakem wanfala kaving blong snek long hem, an putum long wanfala pos, an stanemap. An sapos wanfala snek hemi kaikaim eniwan, hemi mas luk go long kaving blong snek, an bae hemi gudbaek moa.”

So Mosis hemi wakem wanfala kaving blong snek long bras, nao hemi putum long wanfala pos, an stanemap. Olketa pipol wea snek hemi kaikaim olketa, olketa luk go long disfala kaving, an olketa gudbaek moa.

So olketa komplen go long Yawe an long Mosis tu. Olketa tok olsem, “?Waswe nao yu tekem mifala kamaot from Ijip fo dae long disfala drae eria? !Disfala ples hemi nating garem wata, an nating garem kaikai tu. Mifala nating hapi an mifala barava les long olketa ravis kaikai.”

Oraet, Yawe hemi sendem kam olketa poesen snek fo kaikaim olketa an plande long olketa dae.

Olketa kam lukim Mosis, an talem hem olsem, “Mifala sin bikos mifala komplen go long Yawe an long yu tu. Plis yu prea go long hem mekem hem tekemaot olketa snek ya from mifala.” So Mosis hemi prea fo olketa.