Popular Bible Verses from Revelesin 16

Share

(Jisas hemi tok olsem, “!Yufala lisin gudfala! !Bae mi kambaek long yufala, olsem man fo stil hemi save kam! Man hu hemi lukaot olowe an hemi lukaftarem gud kaleko blong hem, bae hemi hapi long taem ya. Bikos hemi no neket, an bae hemi no filsem long ae blong olketa pipol.”)

Nao meksiks enjel hemi go kapsaetem baol blong hem insaet long Yufretis Riva. An bikfala riva ya hemi kamap drae nao. Long wei ya hemi openem rod, mekem olketa king hu i stap kam long ist wetem olketa ami blong olketa, i save wakabaot kam.

Trifala ravis devol ya, olketa nogud tumas an olketa garem paoa fo mekem enikaen mirakol. Nao trifala devol ya olketa go fo lukim olketa king long evri ples long wol, mekem olketa hipap fo faet long bikfala De blong God hu hemi garem evri paoa.

An mi lukim trifala ravis devol wea olketa luk olsem frog. Olketa kamaot long maos blong bikfala snek ya an long maos blong wael animol ya an long maos blong laea profet ya.

Taem hot blong san hemi bonem olketa pipol olsem, olketa gohed fo tokspoelem nem blong God hu hemi garem paoa ovarem olketa bikfala panis ya. An olketa no wari nomoa fo sensim tingting blong olketa an liftimap nem blong God.

So fas enjel hemi go kapsaetem baol blong hem antap long wol. An olketa pipol hu i garem disfala mak blong wael animol ya an olketa save wosipim kaving blong hem, olketa ravis soa kasem bodi blong olketa, wea olketa filpein tumas long hem.

Den trifala ravis devol ya olketa mekem olketa king fo hipap long wanfala ples, wea long langguis long Hibru olketa kolem Amagedon.