Popular Bible Verses from Hebreos 13

Share

As ye' kuxh etoksa etaama ti' u puaje'. Pet txuq'txunoj kuxh ex ti' vetetze' jank'al uve' ati, tan ech ni tal u Tiixh ile': Ye'xh jatue' la vaq' kan ex sejunal. Pet at chit ine' seti' ti' chit ib'ene', ti'k Aak.

As k'uxh ye'l chajaak cheel, as at chit ve't u Jesucristo sqi'. As Aake' tixe'teb'al u q'ii saje'. As an kuxh Aak cheel ti' chit ib'ene'.

Esti'e' ye' la kuxaansa qaama. Pet la kuk'ujb'a' kuk'u'l ti' Aak, tul ech la qal ile': K'uxh kam kuxh la ib'an unq'a uxhchile' sqe, as ye'l o' la xo'v o', tan a' u Kub'aal Tiixhe' la lochon o', chaj o' la qale'.

As ye' la eya'sa eb'anat u b'a'ne' sevatzaj. As la etaq' unb'ooj vetetze' ti' elochat unq'a uxhchile' uva' ye'l tetz ati. As a' u b'a'ne' uva' nisa' u Tiixhe' uva' la eb'ane', tan a' ve't ivaatzile' ti' iyatz'ax ok unq'a avane' tu u nachb'al Tiixhe'.

Esti'e' uva' a' u Jesucristoe' la lochon o' ti' qoksat iq'ii u Tiixhe' ti' chit ib'ene' tuk' unq'a yole' uva' ni tel ch'u'l tu kutzi', tan a'e' ni b'anon ivaatzil kuyatz'at ok unq'a avane' vatz u Tiixhe', o' uva' o' niman tetz Aak.

As unq'a naje' uva' at tixqel as moj unq'a ixoje' uva' at itzumel, as jikoj chit la ib'ane' tuk' vik'ulele'. Tan la ib'an u Tiixhe' isuuchil u naje' uve' nichuk tixoj, as u ixoje' uve' nimooline', as echat la ib'an Aak te unq'a uxhchile' uve' ye'l ik'ulel ati, as nu kuxh ipaavine' tuk' uma't uxhchil.

As eya'sak etaq'at ivatb'al unq'a uxhchile' uva' la oon tekab'al, tan at unq'a kumoole' uva' ye' kat b'en ste uva' antu ve't unq'a ángele' kat aq'ax ivatb'al.

U Tiixhe' ni b'anon uva' b'a'n qatin sukuvatzaj, as Aak kat ulsan taama u Jesucristo uva' ech tatine' sqi' eche' umaj xeen kaneero'. As a' vikajal u Jesúse' uva' kat k'ujb'a'n kan u ak' tzaq'ite' uva' ye'l iya'teb'al. As ti' vikajal u Jesúse' la taq' kat u Tiixhe' etxumb'al ti' eb'anat u b'a'ne' uva' nisa' Aak. As ib'a'nil kuxh Aak as neb'ane' kam uva' nisa' Aak. Esti'e' la qoksa ve't iq'ii u Jesucristoe'. An chite'.