Popular Bible Verses from Hebreos 10

Share

As ye' la kub'an qetz eche' nib'an unq'a uxhchile' uva' ye' ni tex tu u atinb'ale' tetz nachb'al Tiixh. Pet aal la kuyak'insa qib' sukuvatzaj ti' uva' la kub'an u b'a'ne', tan ootzimal sqa'n uva' b'iit kuxh ilejat u q'iie' uva' la ul u Jesús unpajte.

As kuchuktaj txumb'al ti' kulochat qib' sukuvatzaj, as ti' kuxo'nit qib' sukuvatzaj, as ti' kub'anat u b'a'ne'.

As kuchab'ata kuk'ujb'a't kuk'u'l ti' Aak. As ye' la ka'kab'in qaama ti' kutx'eb'at u nimla b'a'nile' uva' k'ujle'l kuk'u'l sti' eche' uva' ni qal te unq'a tename', tan la chit ib'an Aake' kam uva' altzi'mal kan sqi' ta'n Aak.

As techal chite' uva' ye' la pal ek'u'l ti' ekuyat unq'a k'axk'oe', tan tul ma't ekuyat unq'a k'axk'oe' eche' uva' nisa' u Tiixhe' seti', as la aq'pu ve't u tx'aja'me' sete uva' alel kan ta'n Aak.

Esti'e' uva' aya'loj chit kuk'u'l la kujetz'e ok qib' k'atz u Tiixhe'. As ye' la ka'kab'in qaama ti' kuk'ujb'a't kuk'u'l ti' Aak, tan eesamal ve't u va'lexhe' tu u qaanxelale' ta'n Aak. As nu kunache' uva' sotzsamal ve't u kupaave'. As kat ku' o' xe' u a'e', texhlal tetz uva' josq'imal ve't u qaanxelale' ta'n Aak.

Esti'e' uva' ni val sete, ejalpuk etxumb'al ti' u k'ujleb'al ek'u'le' ti' u Tiixhe', tan ti' u k'ujleb'al ek'u'le' la aq'pukat vetx'aja'me'.

Tan asoj tzaa chit ve't sqe uva' la paavin o' tul uva' ma't qootzit isuuchil u yole' uva' a' u Jesucristo kat choon u kupaave', as ye'l ve't uma'toj kam la uch kub'anata' ti' ichooax u kupaave'. Pet xo'veb'al chit uva' nitx'eb'on sqi' tul la ib'an u Tiixhe' kusuuchil. As at uma'l u xamal uva' xo'veb'al chittu' nitx'eb'on ti' unq'a uxhchile' ti' isotzsal ivatz uva' ni ixvan u Tiixhe'.