Popular Bible Verses from Matthew 27

Share

ꞋEt 6:00 atꞌen Jesus tube cho kaꞌ dija whe, “Eli, Eli, lama sabachthani?” Ndi khuni, “SYakꞌusda, SYakꞌusda di ha sla dantnih,” ni whe ꞌutni.

Khuntsul lugliz whucho dutai-i hukwa dímbal-i lhulcho lhkꞌenchꞌul. Yun cha núhisnai, ꞌinkꞌez tse cho lhtsꞌe dunizkat. Tsꞌun kꞌut dune ꞌadinla-un dáhanaꞌdankat. ꞋInkꞌez lhane Yakꞌusda oochꞌeꞌne nahunistez inleꞌ, dunahudidil.

Doo cha za Jesus tube cho ꞌudíja ꞌinkꞌez duyughi yula ditni.

ꞋEt ndun lhuganne bumoodih, ꞌinkꞌez yulh ꞌutꞌenne, Jesus yughunline, yun núkhisnai ꞌinkꞌez ntsꞌoh te neꞌwhustꞌen-un, ꞌet honalhꞌen whe tube whe húnilhjoot ꞌinkꞌez ꞌuhutni, “ꞋAlhaꞌ ꞌazih ndun dune, Yakꞌusda ooYeꞌ ꞌuntꞌoh.”

Dzetniz hukwꞌelhꞌaz 3:00 atꞌen ꞌinkꞌez hulhgha 6:00 atꞌen ꞌet whutsꞌun yun kꞌut ndúwhulcho whe tsahólhgus suliꞌ.

ꞋEt Pilate ndúbulhni, “Ndun doꞌ, Jesus, Christ huyúlhni-un, ꞌen datísdlelh?” ꞋIlhunaoosdilne ꞌuhúyulhni, “Tulalhgus kéꞌ hiyolhtelh!” Yun moodih ꞌet ndutni, “Di ha? Ndet whe nintaꞌantꞌen?” ꞌubulhni. ꞋEt hoontsꞌi sulꞌehúdilya, “Tulalhgus kéꞌ hiyolhtelh!” hutni.