Popular Bible Verses from Matthew 26

Share

Tankꞌus níntꞌi-un whuchꞌa howinli ꞌinkꞌez tenadinli! ꞌalha dune yughi whuz unꞌa hukwaꞌ ninzun, ꞌet hoontsꞌi ooyustꞌe tetsun.”

ꞋInkꞌez ꞌubulhni, “Szul tube tsꞌodi suliꞌ kꞌet ꞌawet datisah le ꞌustꞌoh. Njan dúlhtsꞌi ꞌinkꞌez sla huwahli.”

ꞋOn ꞌunyaz le whinya whe ꞌet nachániti ꞌinkꞌez tenawhendunidli ꞌinkꞌez njan ndutni, “ꞋUBá ndi lubot be dzoh nutiszut-i, whuz unꞌa ꞌuntꞌoh de, whute senghóltsꞌit. ꞋEt hoontsꞌi ꞌaw si hukwaꞌ nuszun kꞌunꞌa iloh. Nyun hukwaꞌ ninzun hukwꞌunꞌa ꞌuhóneh.”

ꞋEt ndi suzkaiꞌ ꞌi be ꞌandidi be nohtsꞌu nahizusya, ꞌet huba ꞌulya. Lhane ba nadútiltꞌih. ꞋI be bulubeshi buba gak tileh.

ꞋEt ꞌaꞌalh whe Jesus lhes yilhchoot. Musi ni whe tenadidli. Lhtsꞌe danyuz ꞌinkꞌez yugha hodulꞌehne butlꞌa yánla. ꞋInkꞌez ꞌutni, “Ulhchoot ꞌinkꞌez ꞌahꞌalh. Ndi syustꞌe ꞌuntꞌoh.”

ꞋEt lubot cha yilhchoot ꞌinkꞌez musi ni whe tenadidli, ꞌinkꞌez ꞌutni, “Nohni tsꞌiyawh ꞌi be ꞌahnai.

ꞋEt yugha hodulꞌehne nahunistez whe bughu nanja. ꞋEt Peter ndúyulhni, “ꞋAw eh ꞌilhoh sadzi hukwꞌu hunistꞌo whe sulh huwonleꞌ ꞌaitꞌoh?

Njan ꞌet nohdusni, ndi mai tooꞌ ꞌaw doo cha za oosnaiꞌ ꞌaitꞌoh. Mai tooꞌ ꞌandidi-i, ꞌuBá lerwe unli-un, ꞌet whuz oozahdil-un, ꞌet dzin nohbulh tisnelh.”

ꞋEt Jesus daja ni la Peter whunalni whe yudaniꞌ, “Lugok dune ꞌudutinelh whutso, tat ꞌaw tꞌesunuzinzun dutanelh.” ꞋEt ꞌaz whe naja ꞌinkꞌez tube cho howintse.

Dunadahdilh! ꞋAwet uztoodilh sih! Nulhꞌen whutlꞌa sútilhtelh-un, ꞌawet senghoh neninya!”

ꞋEt Jesus ndúyulhni, “Nyoo saluzti tꞌunádintꞌaih! ꞋAlhaꞌ mbene la ꞌet dutꞌenne, ꞌenne ꞌet hukwꞌe dahutitsah.