Popular Bible Verses from Matthew 22

Share

ꞋEt Jesus ndúyulhni, “‘Yakꞌusda nyuMoodihti ndzi ndulcho-i be cha, nzul ndulcho-i be cha, nyeni tsꞌiyawh ꞌi be cha, tsꞌiyawh be ookꞌeoonsiꞌ.’ Ndi nohba yutulhuhizyeꞌ-i, ꞌi ꞌudechoo ꞌinkꞌez ꞌukꞌenus diztiꞌ-i ꞌuntꞌoh. ꞋEt bulh nanki, ꞌi ꞌudechoo-i kꞌunꞌa ꞌuntꞌoh whe ndiz unꞌa njan ndutni, ‘ꞋEt dahoontꞌoh hukwꞌunꞌa nyunchꞌoh kꞌenaintsiꞌ, whuz unꞌa za nyulh dune bukꞌeoonsiꞌ.’

Ndi nanki khuni nohtlꞌa díltsꞌut-i, ꞌi be Moses be ꞌudustlꞌus cha ꞌinkꞌez nus hooꞌenne bubeꞌ ꞌudustlꞌus cha, ꞌi tsꞌiyawh yoh ookꞌut whuzꞌai-i, ꞌi leꞌ ꞌuntꞌoh.”

Njan ꞌet ndutni whe ꞌutni, lhane ghu nusja ꞌet hoontsꞌi ntsꞌitneyaz za ꞌutahálya.”

ꞋEt dzin dune dunadidil de, ꞌaw lhghu lhodutalhtsꞌil. Dune dunadidilne, Yakꞌusda oolizas kꞌunꞌa ꞌuhutitꞌelh wheꞌ hoontꞌoh.

Deꞌ nyoo sooniya snalhtsꞌet nahꞌa!” ꞋIlho sooniya tsꞌuditiꞌ-i hitlꞌa húyanꞌai. ꞋEt ꞌubulhni, “Mbe oonin ꞌinkꞌez booziꞌ cha ookꞌusguz?” “Lerwe Caesar,” huyulhni. ꞋEt ꞌúbulhni, “Ndai la lerwe Ceasar oochꞌeꞌ, ꞌi ootlꞌa náyahle. ꞋInkꞌez ndai Yakꞌusda oochꞌeꞌ, ꞌi Yakꞌusda ootlꞌa náyahle.”