Popular Bible Verses from Matthew 18

Share

ꞋEt huwa sooziꞌ gha nane kꞌus tane ꞌilhunaoodilh de, butoh ꞌustꞌoh wheꞌ hoontꞌoh.”

Doo cha za ꞌunohdusni, ndai ookwa oodutalhkut-i, nane kꞌus tane ndi yun kꞌut lhgha nohba sooꞌ hoontꞌoh de, yakꞌuz usda-un sBá, ꞌen nohba ꞌuwhutilelh.

ꞋEt Jesus tsꞌoodunyaz ꞌanih yulhni, ꞌinkꞌez butoh neínilhti. ꞋInkꞌez ꞌet ꞌúbulhni, “ꞋEt soo tsꞌihꞌun unꞌa nohdusni, ꞌaw ꞌutsꞌun unꞌa nalheꞌzahtne de, ꞌinkꞌez tsꞌoodunneyaz kꞌoh tsꞌe ꞌahtꞌoh nasahdliꞌ de, ꞌet de za yakꞌuz whulerwe unli-un whuz tihdulh.

ꞋEt huwa ndun tsꞌoodunyaz, kꞌunꞌa yo ꞌududildzun-un, ꞌet ntsꞌe la yakꞌuz kꞌuneꞌ whulꞌen-un, ꞌenne za kꞌus hidilhtiꞌ-un tileh whe ꞌuntꞌoh.

ꞋInkꞌez tsꞌoodunyaz, yukꞌoh tsꞌe ꞌuntꞌoh-un, Si sooziꞌ cha yukꞌoh tsꞌe yílhchoot-un, si cha suhílhchoot wheꞌ hoontꞌoh.”

ꞋAlhaꞌ dusni wheꞌ dusni, nohni ndai la ndi yun kꞌut oola dihtni de, ꞌi ndo yakꞌuz cha oola oodutitnih. ꞋEt ndi yun kꞌut ndai lhgha ꞌúhudija de, ꞌi ndo yakꞌuz cha lhgha ꞌúwhutanelh.

ꞋEt nohni cha nohulhutsinke nintaꞌhantꞌen de, ꞌinkꞌez nohdzi be ꞌaw buba whunalhodulhnoh de, ꞌet de sBá yakꞌuz usda-un, whuz unꞌa za ꞌaw nohba whunaoodoolnoh ꞌaitꞌoh.”

“ꞋEt hoontsꞌi tsꞌoodunne buba ꞌalha ꞌustꞌohne, tsꞌoodunne hoontsiꞌ tsꞌe ubonilhtꞌine, mbe la dune edújane, ꞌenne tse cho butsꞌilchun ehudinguz ꞌinkꞌez kꞌus takhulh-un ꞌet tábahano de, ꞌon nus hootázooꞌ.

Daja nahzun? Dune ꞌen whunizyat whunizyai (100) ꞌusbai ꞌutꞌi butoh ꞌilhoghun ninta nílhget de yuloh ꞌet néyuninla ꞌinkꞌez ndun ꞌilhoghun ninta nilhget-un, ꞌen dzulh kꞌuz yukawhenántai.