Popular Bible Verses from Roma 3

Share

Auā ‘ua agasala tagata uma lava, ma ‘ua lē o‘o i le mamalu o le Atua; ‘ua ta‘uamiotonuina fua i lona alofa tunoa i le togiola e a Keriso Iesu

o le amiotonu lea a le Atua i le fa‘atuatua ia Iesu Keriso, e o‘o i tagata uma, mo tagata uma fo‘i o ē fa‘atuatua; auā e lē ‘ese‘ese lava.

o lē ‘ua tu‘uina mai i luma e le Atua, o le taulaga mo agasala i lona toto; e maua i le fa‘atuatua ‘ina ‘ia fa‘aalitinoina mai lana amiotonu i le lē tauia o agasala ‘ua mavae, i le fa‘apalepale o le Atua; ‘ina ‘ia fa‘aalitinoina mai fo‘i lana amiotonu i ona po nei, ‘ina ‘ia iloa ai o ia o lē amiotonu, ‘ina ‘ua ta‘uamiotonuina e ia lē ‘ua fa‘atuatua ‘iā Iesu.

Auā “e lē ta‘uamiotonuina se tagata e to‘atasi i ona luma” i galuega o le tulafono; auā o le tulafono e iloa lelei ai le agasala.

fa‘apei ‘ona tusia: “E leai sē amiotonu, e leai lava se tasi, e leai se na te lagona, e leai sē sā‘ili i le Atua. ‘Ua latou ō ‘ese uma lava, ‘ua leaga fa‘atasi i latou, e leai sē ‘ua amio lelei, ‘ua leai lava se tasi.”

O lenei, ‘ua tatou tāofi, e ta‘uamiotonuina le tagata i le fa‘atuatua, e lē o i ai galuega o le tulafono.

‘Aua ne‘i fa‘apea, ia tu‘u le fa‘amaoni i le Atua, a o le pepelo i tagata uma lava; pei ‘ona tusia, “‘Ina ‘ia ta‘uamiotonuina oe i au afioga, ma ia ē mālō pe a fa‘amasinoina oe.”