Popular Bible Verses from Salāmo 35

Share

Le ALI‘I e, ‘ia e finau ma i latou o ē finau mai ‘iā te a‘u, ‘ia e tau ma i latou o ē fa‘asaga tau mai ‘iā te a‘u.

‘Ia pepese ma taufai‘oli‘oli o ē loto i la‘u amiotonu; ‘ia fai ane pea lava i latou, “‘Ia vi‘ia le ALI‘I, o lē ‘ua finagalo ‘ia manuia lana ‘au‘auna.”

E ta‘uta‘u atu fo‘i lo‘u laulaufaiva i lau amiotonu, ma vivi‘i atu ai ‘iā te oe i le aso ‘atoa.

E fai atu o‘u ivi uma lava, “Le ALI‘I e, o ai ‘ea sē tusa ma oe, o lē ‘ua lavea‘i le tagata ‘ua puapuagātia, mai ‘iā te ia ‘ua i ai le malosi e sili i lona; e lavea‘iina fo‘i lē ‘ua puapuagātia ma le mativa i lē ‘ua faoa ana mea?”