Popular Bible Verses from Salāmo 34

Share

‘Ua latalata mai le ALI‘I i ē ‘ua loto momomo; ‘ua ia fa‘aola fo‘i i ē ‘ua loto nutimomoia.

Na ‘ou sā‘ili atu i le ALI‘I, ‘ona tali mai ai lea o ia ‘iā te a‘u, ma na lavea‘iina a‘u a‘i mea uma na ‘ou fefe ai.

E tele lava mea leaga e o‘o i lē ‘ua amiotonu; ‘ae lavea‘iina o ia e le ALI‘I a‘i ia mea uma.

‘Inā tofotofo ia ‘outou, ma ‘ia ‘outou iloa e lelei le ALI‘I; ‘amu‘ia lava le tagata o lē fa‘atuatua ‘iā te ia.

Na latou va‘ava‘ai atu ‘iā te ia, ‘ona fa‘a‘oli‘oliina lea o i latou; e lē mā fo‘i o latou mata.

‘Ua ‘alalaga ē ‘ua amiotonu, ‘ona fa‘afofoga mai ai lea o le ALI‘I; ‘ua ia lavea‘i mai fo‘i ‘iā te i latou a‘i o latou puapuagā uma.

E tolauapi le agelu a le ALI‘I, e si‘osi‘omia ai ē o matata‘u ‘iā te ia, e lavea‘i fo‘i o ia ‘iā te i latou.

‘Inā ‘alo ‘ese ia i mea leaga, a ‘ia fai mea lelei; ‘inā sā‘ili‘ili atu ia i le filemū ma tausisi i ai.

‘Aua ne‘i tautala lo‘u laulaufaiva i ‘upu leaga, ma ou laugutu ne‘i tautala fa‘a‘ole‘ole.

O fofoga o le ALI‘I o lo‘o fa‘asaga i ē amiotonu, e liliu mai fo‘i ona taliga ‘iā latou ‘alaga.

‘Ia ‘outou fa‘ane‘ene‘e atu i le ALI‘I fa‘atasi ma a‘u; ma ‘ia tatou vivi‘i fa‘atasi i lona suafa.