Popular Bible Verses from Salāmo 18

Share

O le ALI‘I o lo‘u papa ia ma lo‘u ‘olo ma lo‘u fa‘aola; o lo‘u Atua, o lo‘u papa, ‘ou te fa‘atuatua ‘iā te ia; o lo‘u talitā ma le nifo o lo‘u olataga, o lo‘u ‘olo maualuga.

O le Atua, e sa‘o lava lona ala; ‘ua se ario ‘ua te‘a ma le otaota afioga a le ALI‘I; o ia lava o le talitā o i latou uma o ē fa‘atuatua ‘iā te ia.

‘Ou te vala‘au i le ALI‘I, e tatau ‘ona vi‘ia o ia; o lea e fa‘aolaina ai a‘u i ē ‘ua ita mai ‘iā te a‘u.

‘Ona ‘ou vala‘au atu ai lea i le ALI‘I i lo‘u puapuagā, ma ‘ou ‘alaga atu i lo‘u Atua; na fa‘afofoga mai o ia i lona malumalu i lo‘u leo, na o‘o atu ‘iā te ia la‘u ‘alaga i ona lava fofoga.

Auā fo‘i ‘e te tutu mai la‘u lamepa; e fa‘amalamalamaina lo‘u pouliuli e le ALI‘I lo‘u Atua.

O le Atua lea o lo‘o fusia a‘u i le malosi, ‘ua ia fa‘alaulelei fo‘i i lo‘u ala.

O lo‘o soifua le ALI‘I, ‘ia fa‘afetaia fo‘i lo‘u papa; ma ‘ia vi‘ia le Atua o lo‘u fa‘aolataga.