Popular Bible Verses from Fa‘ata‘oto 12

O le atuatuvale i le loto o le tagata ‘ua fa‘avaivai ai o ia; a o le ‘upu lelei e fa‘a‘oli‘oliina ai.

O lē ‘ua fiafia ‘inā a‘oa‘oina, ‘ua fiafia o ia i le poto; a o lē ‘ino‘ino i le a‘oa‘iga, o le vale lea.

O i ai le so‘ona tautala, e pei o tutu‘i i le pelu; a o laulaufaiva o ē popoto e mālōlō ai.

O le ala o le vale, ‘ua tonu lea i lona manatu; a o lē ‘ua fa‘alogo i le pule, e poto ia.

E vave iloa le ita o le vale; a o le tagata mafaufau, ‘ua ufiufi e ia lona mā.

O le avā amio lelei, o le pale lea i lana tane; a o lē fa‘amā, e tusa o ia ma le mea e pala ai ona ivi.

E ‘inosia e le ALI‘I o laugutu pepelo; a o ē fai mea fa‘amaoni, e fiafia i ai o ia.

O le tagata amiotonu, na te fa‘aali le ala i lana uō; a o le ala o ē amio leaga, e fa‘asesēina ai i latou.

O laugutu fa‘amaoni, e fa‘atumauina ia e fa‘avavau; a o le laulaufaiva pepelo, ‘ua se ‘emo o le mata lea.