Popular Bible Verses from Mareko 2

Share

‘Ua lagona e Iesu, ‘ona fetalai atu lea o ia ‘iā te i latou, “E lē aogā le foma‘i i ē mālōlō, na o ē mama‘i; ‘ua ‘ou lē sau e vala‘au i ē amiotonu, a o ē agasala.”

‘Ua silafia e Iesu lo latou fa‘atuatua, ‘ona fetalai atu lea o ia i le supa, “Lo‘u atali‘i e, ‘ua fa‘amāgaloina au agasala.”

‘Ua ia fetalai atu fo‘i ‘iā te i latou, “‘Ua faia le sapati mo tagata, ‘ae lē faia le tagata mo le sapati.

‘Ua lē mafai fo‘i i latou ‘ona fa‘alatalata atu ‘iā te ia, auā le motu o tagata, ‘ona latou tatala lea o le taualuga o le fale e tautonu ifo ‘iā te ia, ‘ona latou tu‘utu‘u ifo ai lea o le moega o lo‘o ta‘oto ai le supa.

‘Ae peita‘i ‘ina ‘ia ‘outou iloa o i ai i le Atali‘i o le tagata i le lalolagi le pule e fa‘amāgalo ai agasala.” ‘Ua fetalai ane o ia i le supa. “‘Ou te fai atu ‘iā te oe, ‘inā tula‘i ia, ‘inā ‘ave lou moega ma alu atu i lou fale.”

Po o le fea e faigofie? Po o le fai atu i le supa, ‘‘Ua fa‘amāgaloina au agasala;’ po o le fai atu, ‘‘Inā tula‘i ia ma ‘ave lou moega ma savali?’

‘Ona tula‘i loa lea o ia, ‘ua ‘ave fo‘i lona moega ma savali ane i luma o i latou uma. ‘Ona ofo tele ai lea o i latou uma ma vivi‘i atu i le Atua, ‘ua fa‘apea, “‘Ua tatou lē iloa mai anamua se mea fa‘apenā.”