Popular Bible Verses from Mareko 1

Share

O le taeao ‘ua ala pō ai o ia, ‘ona ulufafo lea o ia ma maliu atu i le mea tu‘ufua ma tatalo ai.

“‘Ua o‘o mai ona pō, ‘ua latalata mai le mālō o le Atua; ‘inā salamō ia ma fa‘atuatua i le tala lelei.”

‘Ua maliu a‘e o ia nai le vai, ‘ona iloa loa lea e ia o le lagi ‘ua māsae ma le Agaga ‘ua afio ifo i ona luga, e peiseaī se lupe. ‘Ua o‘o mai fo‘i le si‘ufofoga mai le lagi, ‘ua fa‘apea mai, “O lo‘u Atali‘i pele oe, ‘ou te fiafia ‘iā te oe.”

O a‘u nei, ‘ou te papatiso atu ‘iā te ‘outou i le vai; a o ia, na te papatisoina ‘outou i le Agaga Pa‘ia.”

‘Ona fetalai atu lea o Iesu ‘iā te i lā‘ua, “‘Inā mulimuli mai ia ‘iā te a‘u, ‘ou te faia ‘oulua ma fai faiva i tagata.” ‘Ona la tu‘ua lea o la ‘upega, ‘ae mulimuli atu ‘iā te ia.

‘Ua matuā ofo fo‘i i latou i lana a‘oa‘oga; auā ‘ua ia a‘oa‘o ‘iā te i latou e fa‘apei o sē ‘ua i ai le pule, ‘ae lē pei o le ‘au tusi‘upu.