Popular Bible Verses from Mataio 14

Share

‘Ua va‘ai o ia i le matagi ‘ua tetele, ‘ona fefe ai lea; ‘ona āfua ai lea ‘ona goto, ‘ua ‘alaga mai, ‘ua fa‘apea mai, “Le Ali‘i e, ‘ia e fa‘aola mai ‘iā te a‘u.” ‘Ona ‘a‘apa atu loa lea o Iesu o lona ‘a‘ao, ‘ua tago ‘iā te ia, ‘ua fa‘apea atu ‘iā te ia, “O oe na, lē fa‘atuatua itiiti, se ā le mea ‘ua e māsalosalo vale ai?”

‘Ua va‘ai o ia i le matagi ‘ua tetele, ‘ona fefe ai lea; ‘ona āfua ai lea ‘ona goto, ‘ua ‘alaga mai, ‘ua fa‘apea mai, “Le Ali‘i e, ‘ia e fa‘aola mai ‘iā te a‘u.”

‘Ona fetalai atu loa lea o Iesu ‘iā te i latou ‘ua fa‘apea atu, “‘Ia ‘outou loto tetele; o a‘u lava, ‘aua tou te matata‘u.”

‘Ua tali mai Peteru ‘iā te ia, ‘ua fa‘apea mai, “Le Ali‘i e, ‘āfai o oe, ‘ia e fetalai mai ‘iā te a‘u, ‘ou te alu atu ‘iā te oe i luga o le vai.” ‘Ona fetalai atu lea o ia, “‘Inā sau ia.” ‘Ona alu ifo ai lea o Peteru mai le va‘a, ‘ua savali i luga o le vai e alu ‘iā Iesu.

‘Ona ō mai ai lea o ē na i le va‘a ‘ua ifo mai ‘iā te ia, ‘ua fa‘apea mai, “E moni, o oe lava o le Alo o le Atua.”

A ‘ua fetalai atu Iesu ‘iā te i latou, “E lē aogā ‘ona latou ō; ‘ia ‘outou avane ni mea latou te ‘a‘ai ai.” ‘Ona latou fai mai lea ‘iā te ia, “E leai ni a tatou mea ‘i‘inei, ‘ua nā o areto e lima ma i‘a e lua.”

‘Ua fetalai atu o ia, “‘Aumaia ‘i‘inei ‘iā te a‘u.” ‘Ona fetalai atu ai lea o ia i le motu o tagata ‘ia latou ta‘o‘oto i le mutia. ‘Ona tago lea o ia i areto e lima ma i‘a e lua, ‘ua tepa a‘e i le lagi, ‘ua fa‘afetai; ‘ua ia tofitofi fo‘i i areto, ma avatu i le ‘au so‘o, ‘ona avatu ai lea e le ‘au so‘o i le motu o tagata.

‘Ona ‘a‘ai ai lea o i latou uma lava, ‘ua mā‘o‘ona; ‘ua latou fu‘e fo‘i toe ‘aiga, ‘ua tūtūmu ai ‘ato e sefulu ma le lua.