Popular Bible Verses from Iopu 2

Share

‘Ona fai mai ai lea o lana avā ‘iā te ia, “‘Ua e tāofi mau pea ‘ea i lau amiotonu? ‘inā fāifai ia e oe o le Atua ma e oti ai.” ‘Ona fai atu ai lea o ia ‘iā te ia, “‘Ua e tautala mai, e pei ‘ona tautala mai o se tasi o le vao fafine valea; ‘ua tatou talia mea lelei mai le Atua, ‘ae tatou te lē talia ‘ea ma mea leaga?” ‘Ua lē agasala Iopu i nei mea uma i ona laugutu.

‘Ua fetalai atu le ALI‘I ‘iā Satani, “‘Ua e mafaufau ‘ea i la‘u ‘au‘auna o Iopu, auā e leai se tasi e tusa ma ia i le lalolagi, o le tagata ‘ua sao lana amio ma le amiotonu, o lē ‘ua mata‘u i le Atua ma ‘alo‘alo ‘ese i mea leaga? ‘ua tāofi mau pea fo‘i e ia lana amiotonu, sa e fa‘aosoina a‘u ‘iā te ia, ‘ia ‘ou fa‘ao‘o fua le malaia ‘iā te ia.”

‘Ona fetalai atu lea o le ALI‘I ‘iā Satani, “Fa‘auta, o ia o i lou lima, tau o lona ola ‘e te fa‘asaoina.”

‘Ua fa‘alogo uō e to‘atolu a Iopu i nei mea leaga uma ‘ua o‘o atu ‘iā te ia, ‘ona latou ō mai ai lea e ta‘ito‘atasi mai lona nu‘u, o Elifasa le Timanu, o Pilitati le Sua ma Sofara le Naama; ‘ua latou filifili ‘ua loto gatasi e ō mai e fa‘amafanafana ‘iā te ia ma fa‘amatalaloto atu ‘iā te ia. Na latou va‘ai mamao atu, ‘ua latou lē iloa o ia; ‘ona latou fētāgisi ai lea ‘ua leo tetele; ‘ua latou ta‘ito‘atasi ma saei lona ‘ofu ma asu a‘e i luga le efuefu i o latou ulu. ‘Ona nonofo ai lea o i latou ma ia i le ‘ele‘ele i ao e fitu ma po e fitu, ‘ae le‘i tautala atu o i latou sina ‘upu ‘iā te ia; auā ‘ua latou iloa, ‘ua matuā tele lava lona tigā.