Popular Bible Verses from Iopu 1

Share

‘Ona tula‘i ai lea o Iopu ma saei lona ‘ofu ma tafi lona ulu, ‘ua fa‘apa‘ū fo‘i o ia i le ‘ele‘ele ma ifo. ‘Ua fai atu fo‘i o ia, “Na ‘ou sau lē lavalavā mai le manava o lo‘u tinā, o le a ‘ou fo‘i atu i ai ‘ua lē lavalavā; na foa‘iina mai e le ALI‘I, ‘ua ‘ave‘eseina fo‘i e le ALI‘I; ‘ia fa‘amanūina le suafa o le ALI‘I.” ‘Ua lē agasala Iopu i na mea uma, ‘ua na lē ta‘u valeina fo‘i le Atua.

Sa i le nu‘u o Usa le tasi tagata, o lona igoa o Iopu; na sao le amio a lea tagata ma le amiotonu, sa mata‘u fo‘i o ia i le Atua ma ‘alo‘alo ‘ese i mea leaga.

‘Ua fetalai atu le ALI‘I ‘iā Satani, “‘Ua e mafaufau ‘ea i la‘u ‘au‘auna o Iopu, auā ‘ua leai se tasi e tusa ma ia i le lalolagi, o le tagata ‘ua sao lana amio ma le amiotonu, o lē ‘ua mata‘u i le Atua ma ‘alo‘alo ‘ese i mea leaga?”

‘Ona fetalai atu lea o le ALI‘I ‘iā Satani, “Fa‘auta, ‘ua i lou lima ana mea uma, tau o ia lava ‘aua ‘e te fa‘ao‘o i ai lou lima.” ‘Ona alu ‘ese ai lea o Satani i luma o le ALI‘I.