Popular Bible Verses from Isaia 44

Auā ‘ou te liligi atu le vai i le nu‘u naumati, ma vaitafe i le ‘ele‘ele matūtū. ‘Ou te liligi atu lo‘u Agaga i luga o lau fānau, ma la‘u fa‘amanuia i luga o ē tutupu mai ‘iā te oe.

O lo‘o fa‘apea ‘ona fetalai mai o le ALI‘I, o le Tupu o Isaraelu o lē na fa‘atauina fo‘i o ia. O le ALI‘I o ‘au, o a‘u lē muamua, o a‘u fo‘i lē mulimuli; ‘ae leai se atua, ‘ua na o a‘u lava.

‘Ua ‘ou sōloia ou solitulafono e pei o se ao uliuli, ma au agasala e pei o se ao; fo‘i mai ‘iā te a‘u, auā ‘ua ‘ou fa‘atauina oe.

‘Aua le fefefe ‘outou; ‘aua fo‘i le matata‘u; pe na a‘u le fa‘ailoa atu ‘ea ‘iā te oe anamua, ma a‘u ta‘uina atu ‘iā te oe? O a‘u molimau lava ‘outou; pe i ai ‘ea se atua, ‘ua na o a‘u lava? ‘Ua leai lava se papa, ‘ou te lē iloa se tasi.

O lo‘o fa‘apea ‘ona fetalai mai o le ALI‘I, o lē na faia oe ma na fa‘atupuina oe i le manava; o lē fesoasoani ‘iā te oe; ‘Aua ‘e te fefe la‘u ‘au‘auna Iakopo e, o Iesuruna fo‘i na ‘ou filifilia.