Popular Bible Verses from Kenese 41

Share

‘Ona tali atu ai lea o Iosefa ‘iā Farao, ‘ua fa‘apea atu, “E lē o a‘u, a o le Atua na te avatu se tali lelei ‘iā Farao.”

‘Ona fai ane ai lea o Farao i ana ‘au‘auna, “Pe tatou te maua ‘ea sē tusa ma lenei tagata, o lē ‘ua i ai le Agaga o le Atua.”

‘Ona fai mai ai lea o Farao ‘iā Iosefa, “‘Ua fa‘aali, atu e le Atua lea mea uma ‘iā te oe, o le mea lea e leai ai sē tusa ma oe i le mafaufau ma le poto. ‘E te pule oe i lo‘u ‘āiga, o lau lava ‘upu fo‘i e pulea ai lo‘u nu‘u uma, na o le nofoāli‘i ‘ou te sili ai ‘iā te oe.”

‘Ua ia fa‘aigoa fo‘i i lē ‘ua aupito ane i ai o Efaraima, ‘ua fa‘apea ane ia, “Auā ‘ua fa‘auluolaina a‘u e le Atua i le nu‘u na puapuagātia ai a‘u.”

‘Ua fa‘aigoa e Iosefa lana ulumatua o Manase “Auā,” ‘ua fa‘apea ane ia, “‘Ua faia e le Atua ‘ina ‘ia galo ‘iā te a‘u lo‘u tigā uma ‘atoa ma le ‘āiga uma, o lo‘u tamā.”