Popular Bible Verses from Efeso 6

Share

Auā tatou te lē tau ma tagata, a o ali‘i sili, ma faipule, ma ali‘i o le pouliuli o lenei lalolagi, ‘atoa ma agaga leaga i mea o i le lagi.

‘Ia ‘outou tatalo i le Agaga i aso uma lava i talotaloga ma fa‘atoga uma; ‘ia ‘outou mataala pea i lenei lava mea, ma matuā tausisi i le fa‘atoga mo tagata pa‘ia uma lava

‘Ia ‘o‘ofu ‘outou i ‘ofutau ‘ato‘atoa mai le Atua, ‘ina ‘ia ‘outou mafaia ‘ona tete‘e atu i togafiti a le tiapolo.

O le mea lea ‘ia ‘outou tago ai i ‘ofutau ‘ato‘atoa mai le Atua, ‘ina ‘ia ‘outou mafaia ‘ona tutū ma tete‘e atu pe a o‘o i le aso vale, pe a uma fo‘i ‘ona ‘outou faia o mea uma tou te tūtūmau ai lava.

‘Ia fa‘aopoopo i na mea uma ‘ona tago atu i le talipupuni o le fa‘atuatua, tou te mafai ai ‘ona tinei o ū fanafana mū uma lava a lē o lo‘o leaga. Ma ‘ia ‘outou ‘ave le puloutau o le fa‘aolataga, ma le pelu a le Agaga, o le afioga lea a le Atua.

O lenei, ‘inā tūtūmau ia ‘outou o fusia o ‘outou sulugātiti i le fa‘amaoni, ‘ia ‘o‘ofu fo‘i ‘outou i le ufifatafata o le amiotonu; ma ‘ia fa‘ase‘evaeina o ‘outou vae i le sauniga o le tala lelei o le filemū.

O‘u uso e, o le toe ‘upu lenei, ‘ia ‘outou loto tetele i le Ali‘i, ma le malosi o lona mana.

“‘Ia e āva i lou tamā ma lou tinā;” o le ulua‘i tulafono lea ‘ua i ai le mea ‘ua folafolaina: “‘ina ‘ia manuia ai oe, ma ia ē nofo tulu‘i ai i luga o le lau‘ele‘ele.”

O ‘outou le fānau, ‘ia ‘outou fa‘alogo i o ‘outou mātua i le Ali‘i, auā o le mea tonu lava lea.