Popular Bible Verses from Mar. 7

Share

Shuara enentái̱ya̱, initia̱, yajauch enentáimsatniusha, tsanirmatniusha, natsa tsanirmatniusha, shuar mátniusha, kasamkatniusha, chikichna wakeruktincha, péṉkercha túratniusha, anaṉkatniusha, natsantain átincha, yajauch enentáimtustincha, tsanumpratniusha, waantu enentáimtumastincha, netse túratniusha, ashí nuka initia̱ wininiatsuk. Ashí nu tunáa ainia nu, shuara enentái̱nia̱ jiiniu asa, shuaran yajauch awajainiawai” tímiayi.

A̱a̱ya̱ aya̱shnium waya̱a̱na nu, shuaran yajauch awajsachminiaiti antsu aentsu enentái̱nia̱ jiinia nu, yajauch awajsattawai.

Tutai Jesus chicharainiak “Ántar chichamtiniaitrume. Isayas yaunchu atumín nekas ju̱na áartampramiayi. Ju̱ aents ni wene̱ja̱i̱ Winia ‘ti péṉkeraiti’ turutainiawai tura ni enentái̱nkia jeachat pujuiniawai.

Tura túkeneas Winia shiir awajtuiniawai. Aentsu chichame̱ jintintiáiniayat ‘Yus Chichamaiti’ tuíniawai.

Tura átum Yusa Chichame̱ iniaisarum aentsu jintintiámuri̱ umirkarum ichiṉnasha tsapancha nijiaktin tura chíkich túrutai̱sha áintsarmek untsurí túrarme.