Popular Bible Verses from Mat. 28

Share

Tuma asamtai ashí nuṉkanam werum ashí shuar jintintiárum Wí shuar awajsatarum. Túrarum Yus Apa náari̱ji̱a̱i̱, Yus Uchi náari̱ji̱a̱i̱ tura Yus Wakaní̱ náari̱ji̱a̱i̱ imiaitiarum. Ashí atumíin Wi akatrámajrum nu nútiksarmek umiktin unuiniartarum. Tura ju̱ nekaatarum. Tuke tsawantai̱ ikiutsuk atumji̱a̱i̱ pujuttajai” tímiayi Jesus.

Nuyá̱ Jesus tíjiu̱ch tantá chichaak “Ashí nayaimpinmasha nuṉkasha akupkatniun kakarman surusuiti.

Nuyá̱ Yusa suntar nuwa̱n chichaak “Ashamkairap. Jesus krúsnum máwarmia nu e̱a̱tsrumek. Ju̱i̱ṉkia pujatsui. Ni timia núnisaṉ nantakniuiti. Pai, áepsarma nu iitiarum.

Túram Jesus chichaak “Ashamprukairap. Werum winia yatsur ujatruktarum. Kariréanam wéarti. Nui̱ wéar wáitkiartatui. Tu ujaktarum” tímiayi.

Nisha nuna antukar Israer shuara úuntri̱ji̱a̱i̱ áujmatsatai tusar wéarmiayi. Áujmatsar suntaran ti kuit akikiar chicharainiak “Atumsha étserkuram ‘Kashi kanararin ni unuiniamuri̱ taar Jesusa aya̱shi̱n kasamkarmai’ titiarum. Tura akupin átum kanarman nekamtaisha niji̱a̱i̱ ii iwiarattaji atumín yajauch awajtámsa̱i̱ṉ tusar” tiármiayi. Nuyá̱ suntarsha kuítian achikiar tiarmia nuna tímiatrusaṉ titiái tusar wéarmiayi. Tura tuke yamaisha Israer shuar tu túrunaiti tuíniawai.