Popular Bible Verses from Mat. 21

Share

Ashí Yus áujeakum seamna nu, Yus nekas enentáimtakum seakmeka wainkiattame” tímiayi.

Tuíniakui Jesus chicharainiak “Nekasan tájarme, Yus nekas enentáimtakrumka ‘nekaspash túrat’ táchakrum íkiun túrajna nusha túramniaitrume. Tura nu arantcha nu naint ‘ékemtam nayantsanam inianta’ tutai túrunattawai.

Shuar untsurí eem wéarmia nusha tura uku winiarmia nusha kakantar untsumiarmiayi. “Ju̱na we̱a̱tri̱ úunt akupin Tawit asamtai naṉkamakuiti. Yusa náari̱i̱n winiana ju̱ ii Úuntri̱nti. Shiir atí. Nayaimpinmasha Yus shiir awajsatai.” Tu untsumiarmiayi.

Nuyá̱ tímiayi “Yus Papinium áarchamukait ‘Winia Je̱a̱r Yus aujtai̱ jé̱a̱iti.’ Antsu átumka kasa matsamtaiya nútikiarme” tímiayi.

“Seuna Nawantri̱ ju̱ etserkatarum ‘Iistarum, atumí Úunt Akupniuri̱ péejchach asa umpuruchiniam ekemak tura kijin aentstai̱ umpuru uchirí̱n eketka winitrámprume’ titiarum.”

Tuíniakui Jesus chicharainiak “Átumka Yus papikia ¿peṉkek áujchaitrum? Jú̱nis áarmaiti ‘Je̱a̱ je̱a̱min utsaṉkarmia nú kaya ashí kayaja̱i̱ naṉkaamas apujsamuiti. Núnaka ii Uuntri̱ Yus túraiti. Iisha iisar ti enentáimtaji.’

Tuma asamtai tájarme Yusna írunna nu wáinkiatarum tusa suramsamuitiat atumíya̱ junas chíkich aents sunastatui. Nisha awaṉtukiartatui.