Popular Bible Verses from Mat. 18

Share

Jímiarchiksha nuíchuka menaintiuksha Yus shuar Winia enentáimturuk iruntrarmatai Wisha nui̱ niji̱a̱i̱ pujajai” tímiayi Jesus.

Núnisnak tájarme, ju̱ nuṉkanam pujusrum jímiar Yus shuartiram métek enentáimprarum winia Apar nayaimpiniam pujana nu seakrumni̱ṉkia wakerarmena nuna suramsattarme.

Nuna tuíniakui Jesus uchin untsuk ajapén awajás chichaak “Tí nekasan tájarme, atumí enentáimtairi̱ yapaji̱árum uchia áinis ajachkurmeka Yus akupeamunam pachinkiachminiaitrume.

Nu asamtai ju̱ uchia áinis péejchach enentáimtumana nuka Yus akupeana nui̱ nekas naṉkamantu ajasminiaiti.

Nú arantcha Winia anentuk uchin itiaana nú shuar Winiasha itiaareawai” tímiayi.

Nekasan tájarme ju̱ nuṉkanam suritiam nu nayaimpinmasha suritniáktatui. Tura ju̱ nuṉkanam tsaṉkateam nu nayaimpinmasha tsaṉkatnaktatui.

Jesus nuna áujmatas amúak chichaak “Núnisaṉ winia Apar nayaimpiniam pujana nu atumín túrutmattarme atumí yachi̱ nekas enentáiji̱a̱i̱ tsaṉkureachkurminkia” tímiayi.

“Shuar ju̱ uchin Winia enentáimturas umirtana nuna yajauchiniam aju̱a̱rmataiṉkia nuna túratsa̱i̱ṉ nisha kuntujnum kayaja̱i̱ jiṉkiar nayantsanam ajapén aju̱ṉmaitkiuṉka maak ainti.

Enentáimpratarum. Shuar sian murikiun takakuitiat chikichik meṉkakamtai untsurí meṉkakacharun nainnium matsaakᵘ meṉkakan e̱a̱ushtatuak.