Popular Bible Verses from Mat. 12

Share

Tura Wisha tájarme, nekapnastin tsawant jeamtai ashí enentáimtsuk chichakma nuna Yusan paant ujakártatui. Iis, ame chichammiji̱a̱i̱ nekanattarme. Péṉker chichakuitkiumka sumamashtatme. Tura péṉker chichakchaitkiumka sumamattame” tímiayi.

Yajauch wenumkatirmesha tura imiá yajauchitirmesha ¿itiurak péṉker chichamsha chichastarum? Shuarka ni enentái̱ya̱ enentáimna nuna chichawiti.

Péṉker shuar péṉker enentáimiu asa shiir chichawiti. Tura yajauch shuar yajauch enentáimiu asa yajauch chichawiti.

Tuma asamtai tájarme, Ashí shuar yajauchin túruinia nusha yajauch chichainia nusha tsaṉkuratin awai. Antsu Yusa Wakaní̱n yajauch chicharin ainia nuka tsaṉkurashtiniaiti.

“Yutai̱ númikia péṉkeran nereawai. Tura tséas numisha yajauchin nereawai. Ni nere̱ja̱i̱ numi nekaamniaiti. Atumji̱a̱i̱sha núniskete.