Popular Bible Verses from Mat. 11

Share

Ashí pimpikniutirmesha itiurchat pujarmena nusha Winí̱ winitiárum. Túrakrumni̱ṉkia ayamtikrattajrume.

Wi kajechu asan tura péejchach enentáimin asamtai Winí̱ winirum unuimiártarum. Kame kijinian Wi súajrumna nu achikrum jukitiarum. Winia chichamur ántakrum umirtakrumniṉkia átum enentáimin ayamprattarme.

Waakaja̱i̱ nuṉká pukuak kuntujnum numi awantai̱ kijin áiniatsuk. Antsu Winia numi awantái̱ya núnis akuptajrumna nú túratniuka kijincha tura itiurchatcha asamtai yawe̱tkishtiniaiti. Kame kijinian Wi súajrumna nu wampuchiti” tímiayi Jesus.

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Tutai Jesus chichaak “Waketkirum ashí ántarmena nusha wáintrumna nusha Juaṉ ujaktarum. Kusurúsha wáinmainiawai. Shutuapsha wekainiawai. Tunamárusha péṉker ajainiawai. Empekárusha ántuiniawai. Jákarusha nantainiawai. Tura kuítrinchanmasha uwempratin chicham ujakmaiti. Nu ujaktarum.

Antuktin jeakrumka nekaatarum.