Popular Bible Verses from RANGANIHA 19

Share

Ge vagevage ma ke ageage! Ge visia raha na arahanga iana. Suria i ngekê ki na matena tanga ga hagatakurerua na Karena Sipi ma kaniana, i bani hagarênia marena tanga.

Igê na tuguni iana igê na tangana ka bani segea igê na ata, i vi: “Araha raha teha ngavê, i marungira na araha hato ma na maneraha hato.”

Ma hemuri i pasina God ki tahataha, ma inê kê rigia, i vora me na hosi siki. Na ani, i tagiria, ka hêtana vi na “Monariha”, ga hagêguritogo renia. Na suriha iana ka oto, ma ngaia ki oto igê na hearihatana iana.

Na maana ka mangagi na vavatana na gi. Ma ki buhingenigi i bêna rako na tarepuri, ga bani segea na atana igê, ma ki mareha rârâ ta na enoni, vi ge girara, nga noga ma ngaia getea ma. Na tuguni iana ki managahu renia na gapu. Ngaira ka hêtana renia vi “Na Tamasinga iana God”.

Ma i harana ki hura me igê na tatapa borahu, i masi, hanana vi ngaia ki page nahuira re na ara ni enoni hato, ga pe tongesuri. Ngaia ki page marungira renigi na hagaitangiha, ma ngaia ki page piringigi na vaini igê na rusi ni magariaganiha iana God raramohaga hunia.

Ngaira ka rakurerua na marâ vasiga ma na poropete hagaparu, i bani katogi na mena i maana. (Renigi nga na mena ngegana ngaia ki bani hagaparura na ani, ga nahunia na segesegeha iana na marâ vasiga, ma na ani, ga bani rahesia na nununa na marâ vasiga.) Ngaira ka kasirerua so mamauri igê na agua raha ni gi, i vavata, suria i karekare ni sivi.