Popular Bible Verses from RANGANIHA 16

Share

“Mu rongo! Inê kê arâ me manga na mane hanago! I babarisi na enoni, i hinaru, ma ki anumasigi na gahu iana, hanana siana ki arârâ rupaturi, ma ki maki i maata na enoni!”

Ma hemuri na onota na angelo ki karangia igê na ve raha i Uparatesi na anina na apira, ma na ve ki mamata rârâ vê hanana vi na maneraha tenia kerekê ka tarê igê.

Ngaira ka na nunuta na ataro, ga katogi na mena. Na ataro gi oru ngegana ka arâ tangara na ara ni maneraha hato i maveta hagenani, hanana vi ga hagahakura me, ka meheariha God raramohaga hunia igê na tangiana raha iana.

Ma hemuri inê kê bâsira na ataro era gi oru, ga bâ mangara na sibara. Tani ki hura me tenia na harana na hua raha, tani ki hura me tenia na harana na marâ vasiga, ma tani ki hura me tenia na harana na poropete hagaparu.

Na enoni ka noro renia na babahana raha, ma ka tamasi erasia na atana God, i araha tangagi na mamasiaganiha ngegana. Ngaira ka usi, vi ge urisi parongata tenigi na tasi, ma ka usi, vi ge visia raha na Araha.

Na ani gi tage na angelo ki râ, ma ki karangia i maveta na apira iana. Na ani, ga nahunia na segesegeha iana na marâ vasiga ma na ani, ga rahesia na nununa, ga tahea, ka hatamia na mamasiaganiha raha, renia ga gahuira na garu.

Ma hemuri na ataro ka hagahakura me na maneraha igê na agua, na Siu ka hêtana vi Aramagetoni.