Popular Bible Verses from RANGANIHA 14

Share

Ma i hemuri, tenia i pasina God, inê kê rongoa ta na ringena, i vi: “Gu sege so vikê: Haganega tenia i ngekê ka babarisi na enoni, ga me, matena ga obahaku henia na Araha ma ka tagara tanga!” Na Higona Apu ki arami, ki vi: “Monari nga! Ngaira ka page vagevage, suria ngaira ka page mamaro tenigi na tagaraha raha iata. Suria ngaira ka migirâ me na meni na tagaraha koro iata.”

Ngaia ki vi, vi na kariana God, na enoni, ga râ surigi na ramata iana God, ma ka toto suria nga o Jesu, ki tuguhira, vi siana ka rumakaka.

Ngaia ki tamasi raha, ki vi: “Mu hanetasia God, ma kamu visia raha renia na arahanga raha iana. Suria i ngekê ki na matena tanga, i surira igê na ara ni enoni hato. Tahema mu bêtuhia ma kamu rahesia God, i bani hagavoragi na vavearo, na ano, na asi, ma na ve banga!”

Na oruta na angelo ki ura me nogana, ma ki tamasi raha, ki vi: “Na ani mavê na enoni, i rahesia na marâ vasiga ma na nununa, ga bani tahea, ma ki nahunia na segesegeha igê na raena, se igê na rimana i otona, ngaia ki page tonomia na vaini iana God, na vaini ni mangariaganiha teha iana, ngaia ki bani karangia igê na kâkâ iana ni hagaitangiha. Na enoni hato, ga katokato vikana, ka page hatamia bâraha na mamasiaganiha renigi na gi ma na hê karekare ni sivi i maata na angelo koro ma na Karena Sipi. Na robona na gi, i hagamamasiagara, ki akê tare ma tare ma. Na mamasiaganiha ki gâga tare igê na tangiani ma na bungiani tangara na enoni, ga rahesia na marâ vasiga ma na nununa, ga bani tahea, ma tangara na enoni, ga bani segera renia na atana.”

Ma hemuri inê kê bâsia na Karena Sipi, i ura igê na Hungana Sione. Ma na tangarê gi tage ma na tangahuru ge he matara ke he na rehagaro na enoni ka oga henia, ga nahunirerua na atana ngaia ma na atana o Vaemana, ga segegi igê na raeta.

Ma i hemuri inê kê bâsia ta angelo, i gaha kere kê i vavearo. Ngaia ki torea na taroha, i gâga hagahu, tangara na enoni tenigi na ara ni agua hato i maveta, ma tangara na ara ni raraha iata na enoni, ma tangara na enoni tenigi na ara ni tamasinga hehegitigi, ma tangara na ara ni enoni, ga bâ hehegitigi. Na tagaraha iana, ngaia ki hagarongora na ara ni enoni i maveta renia na Taroha Koro.

Na ruata na angelo ki ura me nogana, ma ki tamasi raha, ki vi: “Ngaira ki mameaga! Na Babilone raha ki mameaga! Ngaia ki vatera na ara ni enoni na vaini iana. Ngaia ki katora ka tonomigi na vaini ramo ni teniha era iana!”