Popular Bible Verses from RANGANIHA 11

Share

Ma hemuri na pita na angelo ki uhia na anina na ahuri, ma na ringena i pasina God ki tamasi raha, ki vi, “I ngekê nga na Araha iaka ma na Mesaia iana karu nahunia na ramoha, hanana vi garu marungia na maveta, ma ngaia ki page marungia tare ki bê ki arâ!”

Na enoni, ga pe tongesuri, ka mangariaga ngavê, suria i ngekê ki na matena go hagaitangira igê ma ko surira igê na ani, ga me. Ma nikâ ki na matena go vurira igê na poropete, na kariamu ma na enoni hato, na ani, ga araha, ma na ani purua, na enoni hato, ga hanetasigo. Ma nikâ ki na matena go hagamagahurura igê na ani, ga erasia na maveta.”

Inê kê page hagatorangenirerua na ani, garu totora tamasinga iaku. Garu page hagesuru renigi na kakagani, suria ga page voravora me na bagabevoani. Ma ngairerua karu page tarohenia na tamasinga iana God surigi na tangiani ngegana: surigi na 1,260 na tangiani.”

I murini na tangiani hagenani gi oru ma na ritovagana God ki page raravairerua, karu mauri aporo, ma karu rêra aharaga. Ma ngaira hato, ga bâsirerua, ka page magu ngavê.

Ngairerua karu nahunia na ramoha, garu hagabarasigi na roto ni rangi, hanana vi siana ki rangirangi suria na matena, garu tarohenia igê na tamasinga iana God. Ngairerua karu nahunia nikâ na ramoha, hanana vi garu hagaitangia na maveta renigi na ani mavê na eraha i na ani mavê na matena, garu obania.

Na vererua, garu totora tamasinga, ngairerua ka na apinige ni olive gi rua, ma na laiti gi rua, ga ura i maana na Araha, i marungia na maveta. Manga ta na enoni, ma ki uhungia, vi aerasirerua, na gi ki page huhura me tenigi na haraterua, ma ki page sungira ngavê na merongaterua. Ma igê na tarana ngekana na ani mavê na enoni, i uhungia, vi aerasirerua, ngaia ki page meme.