Popular Bible Verses from NA MARAMARÊRAVA 3

Share

Go hagêguritogo renia na Araha i mêrihamu hagenani. Siana ko hagêguria na marâ go takusia vigo aitangisia. Takusia tare na Araha igê na ara ni marâ go tanugi, ma ngaia ki page hagabâsigo renia na tara koro.

Siana ko takusia, vi igo ko aitangisigi na ara ni marâ. Go têtê viteana na Araha ma ko kikitenigi na eraha.

Tagarenigi tanga na Araha na ngêra mora tenigi na mu iamu. Vikana na ruma ni harisi iamu ki page vunu mamasuaga renigi na koni. Na vaini ka page aharêsigo ngavê ma ki mareha ta na marâ vigu karangigi igê.

Go taurerua gatagata na hetakuiha ma na totosuriha. Go mahemahe rerirerua i riomu. Gu segererua igê na aitangihamu.

Kakare, gu naka na Araha ke hagaotogo. Siana ko mangariaga, matena i ramonigo. Na Araha ki ramonia na ani ngaia i takuia, manga o vaema ni kare, i ramonia o karena ngaia i takuia.

Kakare, siana ko bonotenigi na hagesuringa iaku tangago. Go takusigi tare na marâ gê bonasigo renigi. Vikana igo ko page mauri arihu ma ki page aharêsigo na ramana.

I babarisi na enoni i tarahugi na takoha mataha ma na aitangisiha. Na takoha mataha ki hagahanego teharigi na golo ma na siliva. Na takoha mataha ki hagahanego teharigi na hê i akê na meni. I mareha rârâ ta na marâ go obania vige maratorana na takoha mataha.

Manga i pe bara tangago go vatea na enoni na marâ i oto tanga.

Na Araha ki hagavora na ano renia na takoha mataha iana. Ngaia ki naka na vavearo igê na atohana renia na giraraha iana.