Popular Bible Verses from NA MARAMARÊRAVA 22

Share

Matena i sisite mênga na kare, go hagesuria manga i he ko hanana na ogaha iana. Ngaia ki page arâ suria igê na ogaha iana hagenani.

Na enoni i hagahigasia na Araha ma ki tê viteana ngaia ki page ruruguha ma ki page mauri arihu ma na enoni ka page hagahigasia.

Na enoni i rongo koro na atana ki teharigi na ruruguha, na golo ma na siliva.

Siana ko manatangenia na enoni i bagamangamangariaga

Manga go mahata ko hagangêra na enoni matareha igo ko page akê me bâkoro.

Na enoni ni takoha ki bâbâ tarana ma ki rukuruku tenigi. Na enoni i pe nahuni takoha ki tari oto râ tangagi ma ki kahu tangahuria.

Na enoni matareha ki oga i ruguhana na ani i ruruguha. Ma ki manga go kaoni na haga tenia ta na enoni igo ko oga i ruguhana ngaia.

Na enoni ruruguha ma na ani i matareha karu tagenaterua ma igê ta na tarana: na Araha ki hagavorarerua.

Siana ko hagaerasia na enoni i matareha, suria vi igo ko nahuni ramoha ma ngaia ki mareha. I tagenana ma manga ngaia i gâga igê na tamasinga. Na Araha ki panepane henia ma ki page tavoa râ na mêrihana na ani mavê na enoni i tavoa râ tenia na enoni matareha na marâ i oto tanga.