Popular Bible Verses from NA MARAMARÊRAVA 11

Share

Gu mahata ma hanana go page nahunia na ramana. Gu tamanira na enoni getera ma hanana go page tarahua na hetamaniha bê aporo.

Tani na enoni ka mahatangenigi na haga iata. Henaka ma ngaira ka ama ni ruruguha nga. Tani ka maongo renigi na haga iata. Henaka, ma ngaira ka ama ni matareha nga.

Na paroparoha ki hagaratena na makiha. Na haritagiha ki hagabângenia na takoha mataha.

Manga na enoni ma ka pe nahunira na enoni vige bêngenira koro, na haku iata ki page magahuru. Manga ga gâga rako na enoni koro ni hagaotonga, hoi, na enoni ka gâga suri parongata.

Na enoni i tototo suria God ngaia ki hagavorea na mauriha, ma na ani i gâga sutaga ki hagamesia na mêriha.

Na ani i tabotabohara ki tamasi tararu. Ma na enoni i asa vige tamasi tararu ko girara go hagarongoa renia na marâ go obania vi pinihi.

Na enoni i korokoro tanga na ani getea, ngaia ki korokoro so tanga marena. Manga go hagamamasiaga na ani getea, igo ko hagamamasiagago so maremu.

Na enoni ga hagêgurigi ma na ruruguha iata ka mangagi na ahani na apinige ga turituri. Ma na ani ga hagêguria God ka page mauri mangagi na ahani na apinige ga surusuru tare.

Igê na tangiana ni suriha na ruruguha iamu ki asa vige hagatahigo, nga noga ma na otoha ki girara i hagatahigo.

Na monariha ki bêngenira na enoni ga koro ma na hagaparunga ki hagaerasira ngavê na enoni ga hagahagaparu.

Na bâkorohana na gete i pe nahuni takoha ki manga na eburungi na golo i barisuna na bo.

Na Araha ki kitenira na ani ga hagahagaparu renigi na higahigani na marâ tangagi na vuriha ma na hagavuringa, ma ki vagevagesigi hete na higahigani oto.