Popular Bible Verses from ISAIA 60

Share

Aharaga, Jerusaleme! Ura igê na marara! Na raramohana na Araha ki takirigo.

Na mararamu ki page okera me na enoni getera i maveta henira na maneraha, suria na mararamu ki manga na arito, i raboa.

Na enoni hato getera i maveta ka page oga igê na roto hono, ma na Araha ki page mavesigo igo, ma ko page togatoga, suria i ngahisigo.

Na ahemata, ga pe rako, ki page tataka ma ki page gahuia na agua raha hagenani. Inê nga na Araha kani gê page katokato vikana igê na matena tanga.”

“Na arito ki hato, vige page mavesigo igê na tangiani. Na hageha ki hato, vige page mavesigo igê na bungiani. Inê nga hete na Araha, kani gê page mavesigo tare ma tarema. Igo ko page togatoga renia na raramohaku inê, God iamu.

Na matena ni hetakiha iamu ki page hato. Inê na Araha ki na arito iamu, i asa be su. Inê ki na hageha iamu, i asa be su. Inê be mavesigo tare ma tarema.

Matena go bâsira, igo ko page vagevagesira ngavê, ma ki page koro ngavê na apemu renira. Na enoni getera i maveta ka page tagarenigi tangago na ruruguha ma na nahuninga iata. Ngaira ka page migirâ me tenigi na agua hagatê.

Gu bâ arigu igo! Na kariamu ka aporo haku me! Na karemu ka page râ me hagatê, ma ka page topera mangara na kare.

Na kariamu ka page katogi ma na tarani, ga oto, ma ka page gâga hagahu igê na agua. Inê kê hagavorara ma kê hasira, hanana vi na enoni ka hagarahasiê.

Ki asa, vige page vora me nikâ na hearihatani, ga ruhuruhugi na hinua ma ka erasigi na mu. Inê be anumasigo manga na para i rihuigo, ma igo ko page hagarahasiê, suria gê hagatahigo.

Na maani para ka page tahataha tare ma ki asa vige purupuru, hanana na maneraha henira na kariata ka migibanu tangago na ruruguha iata.

Rako teha na kamelo ni Mitiani me Epa me Seba ka aharêsigo, ma ka page toregi me na golo ma na marâ ga sigini koro, matena na sungigi. Ngaira ka page tarohenia na taroha koro renigi na tauhana na Araha.

Na Araha ki vi tanga i Jerusaleme, ki vi: “Na ai ni mahuara ka page tagarahigi aporo na para rihigo, ma na maneraha iata ka page tagara tangago. I nago inê kê hagaitangigo, suria gê mangariaga tangago. Ma i ngekê inê be makuanigo ma be takuigo.

I nago na enoni ka panigo ma ka usitenigo. Igo ko hihiruga manga na tênga. Ma inê be hagakorogo aporo, ke rongo raha na atamu, ma ko page vora renia na hinua ni vagevageha, na vagevageha i asa vige page hato.

Na maneraha i maveta henira na kariata ka page hagangêgo ma ka page marupego, manga na gete i hagasusua na karena. Igo ko page tahetara reniê, vi inê nga na Araha kani gê hagatahigo, vi inê nga God raramohaga huniê i Isiraele ka na tahingamu.