Popular Bible Verses from ISAIA 43

Share

Mu bâbâ renia hete na marâ, gê sugi katoa. Ngaia ki vora noga. Mu pe bâsia? Inê be naka na tara, ke aharêvoro igê na masusu raha, ma be katogi na ve, ke gogo i ngekana.

Matena mu tarêhigi na ve, ga maganu inê be ngahisigamu, hanana siana na bagabevoani ka susu henigamu. Matena na gi ki rarogamu, ki asa iami, vigamu tihu: na mamasiaganiha ki asa, vige tarahugamu.

Ma na Araha ki vi: “Siana kamu takusigi ma na marâ, ga bani vora me i nago, se vigamu tâtâ gatagata igê.

Na Araha ki vi: “Isiraele, inê kê hagavoragamu. Inê kê hagamaurigamu. Vikê, siana kamu magu! Inê be hagatahigamu. Igamu ki na aniku.

Inê be tagarenira na enoni i na agua rako meni na mêriha iami, suria inê kê makuanigamu, kê takuigamu ma kê hagahigasigamu.

Renia inê ki na Araha God iami, na God Apuna i Isiraele, i hagatahigamu. Inê be vuri pusigamu renia i Esipito. Inê be urusirerua i Etiopia me Seba renigamu.

Siana kamu magu! Inê be ngahisigamu. “Tenia i kerekê hagatê ma tenia i kereso hagatê, inê be torera aporo me tangagamu na karemi ma na goami.

Naka ma, ma inê nga God gê bonotenigi na tasi iami, hanana gê hagabângenia, vi o ti inê. I asa iaku, ve takusigi nikâ na tasi iami.

“Isiraelita, igamu kamu rohe pusiê. Inê kê ategamu, kamu vora na kariaku, hanana mu aitangisiê ma kamu tongesuriê, ma kamu girara, vi inê geteê ma kê God. Na ataro ka mareha vê vi God, mareha vê i nago, se i ngekê, se i hemuri me nikâ.

Inê geteê ma kê Araha. Inê geteê ma kê girara, gê hagatahigamu.

Inê geteê ma kê God, ma kê God tare, ki bê ki arâ. I asa ta na enoni, vige gavatenia na raramohaku. I asa ta na enoni, vige urapusiê, se vige hagabarasiê.”

Na marâ vasiga i bemu nikâ ka page hagahigasiê. Ma na o vasiga ma na auvê nogata, matena gê katogi na ve, ka gogogo igê na masusu, hanana gê hagatonomira re na kariaku hetakui. Ngaira nga ka na enoni, gê bani hagavorara tangê mareku, ma ngaira ka page hagarahasiê.”

Tangara na ai ni agua kereso inê be vi, ‘Nakara ke aporo!’ Ma tangara na ai ni agua kerekê inê be vi, ‘Siana kamu tê apurusira! Nakara na kariaku ke aporo tenigi na agua hagatê, tenigi na ara ni agua i maveta hagenani. Inê nga kani gê hagamarahura. Inê nga kani gê hagavorara, hanana ga hagarahasiê, suria ngaira ka na tagaraha iaku.’”

I nago kere vê noga na Araha ki voasia na asi, ki vora na tara, na tara i gupuna na asi aputaputa. Ngaia ki hagatonomira ka me igê rako na mane ni me ma na kati ni me ma na hosi ni me. Ngaira ka me, ka tâ hagetage i ano. Ngaia ki uhi mesira, manga na kere vavatana na mangate ga hunuia.

Inê nga ki na Araha God Apuna iami. Isiraelita, inê nga kani gê hagavoragamu. Inê nga kani gê Araha iami.”