Popular Bible Verses from HEBEREO 11

Share

Manga vi igia, ma ka tongesuri, igia ka takotako togo renigi na marâ, ga naasigi. Igia ka takotako togo renigi na marâ, ga pe bâsigi. Na mane, ga oga i nago kere vê noga, God ki visira koro, suria ngaira ka nganganihaga igê na tongesuriha.

Manga vi na enoni, ma ki pe tongesuria God, ngaia ki asa hagetage, vi ge hagakoro obana God. Suria manga vi na enoni, ma ki arâ tanga God, ngaia ki tuguhia, i tongesuria, vi God ki gâga, ma ki mahata tangara na enoni, ga uhungia, vi ga têtê viteana God.

Renia igia ka tongesuri, tahema igia ka girara, vi God ki hagavorara na ara ni marâ hato renia na tamasinga iana. Manga ngekê na marâ, ga girara ga bâsigi, ka voravora me henigi na marâ ga pe girara, vi ge bâsigi.

Renia o Abaramo ki tongesuria God, tahema ngaia ki tê viteana God, matena God i unia, ma ngaia ki râ tanga na agua, God i bani surua tanga, vi vatea renia. Ngaia ki aharaga pania i pasina, henaka vi ngaia ki pe girara, vi i he kani arâ igê. Renia ngaia ki tongesuria God, tahema ngaia ki oga mamahuara igê na agua God i bani surua tanga. Ngaia ki oga igê na ruma na gahu, mo Isako mo Jakobo nikâ, suria na suruha iana God ki tangarerua nogaterua.

Renia o Noa ki tongesuria God, tahema i rongogirara na haganunuana iana God renigi na marâ, ga page voravora me, henaka vi pe bâsigi. Ngaia ki tê viteana God, ma ki tagarahia na haka, ngaia marena ma na ahemata iana ka tahi igê. Igê na tarana ngekê ngaia ki hagabângenia, vi na enoni getera i maveta ka era, ma God ki katoa, ki koro ma ki oto i maana renia na tongesuriha iana.

Renia o Enoke ki tongesuria God, tahema i pe me. Ma God ki torea hete i pasina, ma ki asa ta na enoni, vi ge tarahua, suria God ki bani torea vê. Na Buka Apuna ki vi, o Enoke ki bani hagakoro obana God, ma God ki kahu torea vê.

Renia o Abele ki tongesuria God, tahema ngaia ki girara, vi tagarenia tanga God na vogasiha, i koro teharia na vogasiha iana o Kaine. Suria ngaia ki tongesuria God, God ki visia, vi ngaia ki na mane, i koro ma ki oto i maana, renia God ki aganarigi na votovoto iana. Suria na tongesuriha iana o Abele ki tamasi mênga, henaka vi ngaia ki bani me.

Renia o Abaramo ki tongesuria God, tahema ngaia ki girara, i apara kare, henaka vi ngaia ki merahaga ngavê, ma ka Sara nogana ki gomara. Ngaia ki hagêguritogo renia God, ma ki tako togo renia na suruha iana.

Renia o Abaramo ki naasia na hinua raha, i gâga tare, na ani God i bani sege nununa ma ki bani tagarahia.

Suria o Moise ki tongesuria God, tahema, matena i raha me noga, ngaia ki pe obanira na enoni, vi ge visia, vi ngaia ki no karena ka karena o Parao, na maneraha. Ngaia ki usi, vi ge vagevagesigi na tasi, henaka vi igê na kere matena abubu, ga tarahua na heuhungiha. Ma ngaia ki obania hete, vi mamasiaga henira na kariana God. Ngaia ki takusia, vi na mamasiaganiha, i tarahua, matena na enoni ka guharia, suria vi ngaia ki tongesuria na Mesaia, ki koro teharigi na ruruguha hatohato iata na Ai ni Esipito, suria ngaia ki hahutugigi na marâ koro, i page nahunigi i na matena i muri me. Suria o Moise ki tongesuria God, tahema ngaia ki pania i Esipito, ma ki pe magutenia na mangariaganiha iana na maneraha. Ngaia ki ama ni togeaga nga, manga na mane i bâsia God, ga pe girara, vi ge bâsia igia.

Suria o Abaramo ki tongesuria God, tahema ngaia ki vogasi renia o Isako, o karena, matena God i uhungia o Abaramo. O Abaramo nga ki na ani, God i bani suru tanga, ma ke bâ, ngaia ki agana, hanana vi vogasi renia o karena i tage togo.

Suria ka Ragaba, na êrâ, ki tongesuria God, tahema ngaia ki pe me henira na enoni, ga guguruga tanga God, suria ngaia ki unira banu na mane, ga nanago banu, ka bâ i hinua.

Suria na Isiraelita ka tongesuria God, tahema ngaira ka tarêhia na Asi Memera, manga vi ga râ igê na agua, i mamata. Ma na matena na Ai ni Esipito ka uhungia nogata, ngaira ka tono ka me.

Suria na Isiraelita ka tongesuria God, tahema na para, i rihuia na hinua i Jeriko, ki guguru igê na pita na tangiana, ga rihuia igê.

Suria ngaia ki tongesuria God, tahema ngaia ki hagavora na Paseka, ma ki bonasira na Siu, ka kamusigi na maa ni ruma renigi na gapu, hanana vi siana na angelo ni Mera ki nanahuira bêbê ni kare mane iata ngaira na Isiraelita.

Suria o Josepo ki tongesuria God, tahema, matena i sugia ma, vi ge meme, ngaia ki tamasi renia na râha iata na Isiraelita tenia Esipito, ma ki hagarongora renia vi na surina ka page he nakagi.

Suria o Jakobo ki tongesuria God, tahema ngaia ki nungia God, ki korokoro tangarerua o karena o Josepo, i nago tarana i me. Ngaia ki kaviria na vato iana, ma ki rahesia God.

Suria o Isako ki tongesuria God, tahema ngaia ki nungia God, ki korokoro tangarerua o Jakobo mo Esau i na bevoana i muri me.