Popular Bible Verses from ESEKIELE 34

Share

“Inê be garira na ani ga tarupe, ma be torera ata na ani ga tasi, ma be baraigi na maara iata na ani ga mamari, ma be hagakomagara na ani ga maeha. Inê be hagaotora na ani ga binibinikaga ma ka ramo, suria inê ka na morana na avanu ni sipi, gê bâsurira igê na otoha.

Inê be manga na avanu ni sipi, i garira na sipi iana, matena ga totoko, ki hagahakura aporo, ma ki bâsurira maninga. Inê be torera aporo tenigi na agua hato, ga totoko surigi igê na tangiana ni mengo ma ni bagabevoani.

Na Araha God ki vi: “Inê mareku be garira na sipi iaku ma be bâsurira.

Inê mareku be bâsurira na sipi iaku ma be hagamamarora igê na agua koro. Ngaia kani gê visia, inê na Araha God.

“Igamu, na sipi iaku, na togoha iaku gê hagangêgamu, igamu nga ka na kariaku, ma inê nga ka na God iami. Ngaia kani gê visia, inê na Araha God.”

“Igo, karena enoni ma, gu ranganira na enoni raha i Isiraele. Gu tamasi poropete tangara, ku hagarongora renigi na tamasinga iaku. Inê na Araha God kê vi vikê: I page era ngavê tangagamu, igamu na enoni raha. Igamu ki tuguhigamu, vigamu bâbâsurira hete na Isiraelita, manga na avanu ni sipi i marupera maninga na sipi iana. Ma igamu kamu takusigamu maremi ma, ma ki mareha ngavê, vigamu botage renira na sipi iami.