Popular Bible Verses from 2 TESALONIKA 2

Share

Siana hagetage kamu tongesuria ta na enoni, i hagaparugamu. Renia i page hagenago me na matena, na enoni ka page usisitenia igê God, ma ki page voravora me na Merongana God. Ma hemuri ma ki page mataro me na tangiana, i page aporo me igê na Araha. Ma God ki page hagaerasia hagetage na Merongana ngekana.

Goamami igê na tongesuriha, i tuguhigami, vi gami visia koro God tare renigamu, suria God ki takuigamu. Renia God ki bani ategamu, hanana i hagatahigamu hagenago, suria na Higona Apu raramohaga ki katogamu, kamu vora re na kariana koro God marena, ma suria igamu kamu tongesuria na taroha renia na Araha o Jesu.

Na Merongana God ngekana ki page ruhira, ma ki page tamasi erasira na ani mavê na ataro, na enoni ga vogasira, ma na anima na marâ, na enoni ga takusira, vi ga god. Ngaia ki page hagarahasia marena, vi ngaia ki teharira hato, ma ngaia ki page bêbanu i ruma ni rotu iana God, ma ki page gâga so i ngekana, ma ki vivi, vi ngaia ki God!

God Vaemaka ki bani takuigia, suria ngaia ki koro teha, ma ki bani ama ni hagaramonigia tare, ma ki bani katogia ka rarunitogo. Igami kami nungirerua God ma na Araha iaka o Jesu Kirisito, karu hagamaraka obami, ma karu hagaramonigamu, hanana mu girara mu katogi tare, ma kamu visigi tare na ara ni marâ, ga koro.

Tahema God ki hagamarumungenia na tasi, ki ramo i pasita. Manga ngekana ngaira ka tongesuria na marâ, i pe monari.

Na Merongana God ki page arâ me, ma ki page nahunia na raramohana Satana, ma ki page katogi na ataka vê ma na mena, ma ki page hagaparura na enoni renigi na tagaraha raha, ma renigi na marâ, ga hagakonera na enoni. Ma ngaia ki era ngavê, ma igê na ara ni tarani ngaia ki page hagaparura na enoni, i asa iata, vi ge page tahi. Ma ki asa iata, vi ge tahi, renia ga usitenia, ma ka pe hanetasia na Taroha renia na Araha o Jesu, hanana vi ge tahitahi hete renia.

Na eraha iana na Merongana God ki bani tagara noga i ngekê. Ma igia ka girara ga rongorongogirara na tarana ngekana, suria God ki bani hagagiraragia renia. Ma na marâ, i page voravora me, ki page voravora me igê na matena, God ki torea râ igê na ani, i hagabarasia.